Ki Lou Loto ia Iesu Keriso: O Le Meaalofa Paia o Musika a le Peraimeri

Ua ou maua le olioli e fesootai ma uso a Au Paia e ala i le gagana faasoa o musika paia. Aemaise lava e ala i pese faigofie a le Peraimeri, ua fuaao e le Agaga Paia papupuni o gagana ma faatumulia ai lo’u loto i Ana musumusuga. …

… O musika o le Peraimeri o se tasi o auala e sili ona mu’amu’a e toto ai fatu o molimau i loto o soo aupito iti o le Faaola. …

… Sa i ai pea lava musika i le fatu o le aoaoina atu o le talalelei i tamaiti. E mafai ona avea pese o le Peraimeri o se gagana muamua faaleagaga a le tamaitiiti, auā o ō latou fati faigofie, ma maitaugofie e faaleoina ai upumoni o le talalelei. …

E mafai foi e pese o le Peraimeri ona avea ma meafaigaluega faafaiaoga mamana o aoaoga faavae. O nisi pese e faamatala ai tala i le soifuaga o le Faaola ma Lana misiona. O isi e aoao atu ai Ona uiga, e pei o Lona faatuatua, Lona faamoemoe, ma Lona alofa mama. Ae o pese e sili ona paia e molimau atu i Lana Togiola le i’u ma le alofa e tafe mai ai i lena faatinoga o le faaolataga. …

… O se pese sa aoaoina i le ono tausaga e i ai le mana e mau ai ia i tatou—ma e mafai ona toefoi mai i le fiasefulu tausaga mulimuli ane i taimi o faaiuga, tofotofoga, faavauvau, po o le olioli. …

… E mafai e le Agaga ona faaaoga musika e vane ai upumoni e faavavau i o latou loto mu’amu’a. Ma, e i ai le taimi, e mafai e tamaiti ona filifili e ki ma liliu o latou loto ma o latou olaga agai ia Iesu Keriso e ala i le osia ma le tausia o feagaiga paia ma Ia. …

Uo pele, ou te molimau atu o pese o le Peraimeri o loo aoao mai ai upumoni e faavavau ma le aoaoga faavae e taitai atu ai i tatou ia Iesu Keriso ma Lana talalelei.