Iesu Keriso ma Lou Amataga Fou

Sa “femaliua’i Iesu ma agalelei.” … Oka se faamatalaga ina sili ona tauitiitia lena tala! …

O mea uma sa Ia fetalaia ma faia, na saunia ai se amataga fou mo i latou taitoatasi sa Ia faamaloloina, faamanuiaina, aoaoina, ma laveaiina mai le agasala. Sa le’i solomuli o Ia mai ia i latou, ma e mautinoa lava o le a le solomuli o Ia mai ia te oe. …

… E mafai e i tatou uma ona maua se amataga fou e ala mai, ma ona o Iesu Keriso. E oo foi ia te oe. … O le ekalesia lenei o amataga fou! …

O le salamo e matala ai le faitotoa i o tatou amataga fou, amataga faafouina, ma avanoa faalua. …

…O gafoaga fou, itulau fou, ma avanoa fou o ute faatauvaa ia o le tala fiafia o le talalelei!

…Ua na’o le fili lava o le a manuia mai le manatu e faapea ua e magoto. E te le o magoto.

Ma o amataga fou e tele atu mea e faatatau i ai nai lo na o a tatou agasala ma measese. … E mafai moni lava ona e suia mea e uiga ia te oe lava, ia na tosoina oe i lalo mo le tele o tausaga. …

Ia i latou o loo tauivi pea lava pea ma le agasala lava e tasi po o le faafitauli lava e tasi, ia e taumafai pea. … Ma e talitonuina le amataga fou o loo i ai iina mo oe i taimi uma e te toe liliu atu ai i lou Tama i le faamaoni o le loto. …

… Faamolemole ia maua lou amataga fou, i le asō, i le taimi nei lava. O Iesu Keriso o le Tusitala ma le Faaatoatoa o lo tatou Faatuatua, ua tusia faatasi ma i tatou le anoano o itulau fou. O Ia o le Amataga ma le Iuga—o le iuga o lo tatou luma ma mafatiaga ma o le amataga o se ola fou ia te Ia, lea e faatagaina i tatou e tuua mea ua tuanai ma toe amata faatasi ma se gafoaga fou i le tele o taimi tatou te manaomia ai.