O Le Talalelei a Iesu Keriso e Totonugalemu i le Aiga

O le aoaoga faavae O Le Ekalesia a Iesu Keriso o le Au Paia o Aso e Gata Ai e totonugalemu i le aiga. …

E ui lava i lena matalalaga faaleaoaoga faavae, ae o loo i ai le faafeagai. …

O le pa’ū i lalo o numera a le atunuu i faaipoipoga ma le fanauina o fanau e mafai ona malamalama i ai i mafuaaga faasolopito, ae o tulaga faatauaina ma faiga masani a le Au Paia o Aso e Gata Ai e tatau ona siitia—ae le o le mulimuli —i tulaga ua agai i ai le lalolagi. …

A o faaitiitia faatosinaga faamatua, o loo i ai pea i Au Paia o Aso e Gata Ai se tiutetauave na tuuina mai e le Atua e aoao ai a latou fanau e saunia mo lo tatou taunuuga faaleaiga i le faavavau (tagai i le Mataupu Faavae ma Feagaiga 68:25). …

O lo tatou Faaola o Iesu Keriso o lo tatou faataitaiga sili lea. … O le mulimuli ia Keriso ma le tuuina atu o i tatou lava i le auauna atu i le tasi ma le isi o le vaifofo sili lea mo le manatu faapito ma le faaloloto o le tagata mo na o ia lava lea ua foliga mai ua taatele i le taimi nei.

Ua i ai foi i mātua se tiute e aoao a latou fanau ia iloa fai feau ma galuega masani e ese mai mataupu faavae o le talalelei. …

… E uluuluola aiga pe a latou aoao o se vaega ma fefautuaai faatasi i mataupu uma o loo popole i ai le aiga ma ona tagata. …

E oo mai faamanuiaga maoae i aiga pe afai latou te tatalo faatasi, tootutuli i le po ma le taeao e ofo atu le faafetai mo faamanuiaga ma tatalo mo popolega masani. E faamanuiaina foi aiga pe a latou tapuai faatasi i sauniga faaleEkalesia ma i isi faatulagaga o faigalotu. O noataga faaleaiga e faamalosia foi e tala faaleaiga, fatuina o tu masani faaleaiga, ma le faasoaina atu o aafiaga paia. …

Ou te molimau atu o Iesu Keriso o le Alo Pele e Toatasi o le Atua, lo tatou Tama e Faavavau. Ua Ia valaaulia i tatou e mulimuli i le ala o feagaiga lea e tau atu i se faatasiga faaleaiga faalelagi.