Amuia Ē Faatupuina le Filemu

O Iesu ua Afio Mai i Fafo o le Tuugamau, saunia e Dan Burr

Sei o tatou mafaufau atili i nei nofoaga e tolu e faatupu ai le filemu e le Au Paia o Aso e Gata Ai i ona po nei.

Muamua o o tatou loto. …

… O le talalelei a Iesu Keriso e faafailele ma lalagaina nei uiga paia, e aofia ai le faatupuina o le filemu i o tatou loto, ma faamanuiaina ai i tatou i lenei olaga ma le isi.

Lua, o le fausiaina o le faatupuina o le filemu i o tatou aiga —e ala i le faaaogaina o le mamanu a le Alii e aafia ai a tatou sootaga ma le tasi ma le isi: faatauanau, tali-tiga, faapalepale, agalelei, agamalu, ma le alofa moni. …

… Ina ia avea ma ē faatupuina le filemu, tatou te faamagalo atu i isi ma siitia ai ma le loto i ai isi nai lo le toso o i latou i lalo.

Tolu, o le faatupuina o le filemu i o tatou nuu. …

… I a tatou potopotoga ma o tatou nuu, ia tatou filifili e vaai atu le tasi i le isi o fanau a le Atua.

I lona aotelega, ou te tuuina atu se valaaulia. … Pe mafai ona e faia se fuafuaga e tasi-le-vaiaso, ae tolu-laasaga o le tausia o le filemu?

1. O se sone e leai ni finauga i le fale: A oo ina amata se finauga, taofi ae toe amata i upu alofa ma galuega lelei.

2. Fauina o alalaupapa faaeletonika: A o lei tuuina se faamatalaga i luga, tali atu, po o ni faamatalaga i upega tafailagi, fesili, Pe o le a fauina e lenei mea se alalaupapa? A leai, toe tuu. Aua nei auina atu. Ae faasoa atu mea lelei. Talatala atu le filemu nai lo le inoino.

3. Toefaalelei ma toetuufaatasia: E mafai e tagata taitasi o le aiga ona sailia se sootaga mautu ina ia faatoese atu ai, auauna atu, toefaalelei, ma toetuufaatasia. …

O le faatupuina o le filemu o se uiga faaKeriso. …

Tatou te faataunuuina la tatou matafaioi paia o ni fanau a se Tama Faalelagi alofa a o tatou tauivi ia avea ma ē faatupuina le filemu.