Tepa atu i le Atua ma Ola Ai

E moni, o le fautuaga “tepa i le Atua ma ola ai” e i ai le uiga mo i tatou e le gata i le faavavau ae faia ai le eseesega uma i le uiga faaalia ma le tulaga o o tatou olaga faitino. …

E leai se folafolaga e sili ona faifai soo i le Tusi a Mamona nai lo lenei: “ E tusa ai ma le tou tausi i a’u poloaiga o le a outou manuia i le laueleele; ae e tusa ai ma le tou lē tausi i a’u poloaiga o le a vavae ese outou mai o’u luma.” … O le “manuia” o lona uiga o le olioli i le taitaiga ma faamanuiaga o le lagi i o latou olaga. … O le “manuia” e aofia ai le gafatia ona tulai a’e i luga atu o faigata ma tofotofoga. …

… O poloaiga ma fautuaga a le Atua o loo maua i tusitusiga paia ma upu a Ana auauna. O mataupu faavae ma fautuaga ua faataoto mai i le “O Le Aiga: O Se Folafolaga i le Lalolagi” o ni faataitaiga tāua ia. O le isi o le taitaiga o loo maua i le tama’itusi Mo Le Malosi o le Autalavou. …

E foliga mai e leai se mutaaga o punavai eseese e sailia e tagata mo le uiga, fiafia, ma le fesoasoani. O le toatele lava o loo “vaavaai i talaatu o le faailoga.” … I le vaai atu i le Atua, e mafai ona tatou maua le filemu i faigata, ma e mafai ona faaauau pea ona tuputupu ae lo tatou faatuatua e oo lava i taimi o le masalosalo ma luitau faaleagaga. E mafai ona tatou maua le malosi i foliga o le tetee ma le faaesea. E mafai ona tatou faaleleia eseesega ma le mea moni o le taimi nei. …

O le tepa atu i le Atua o lona uiga ua le na o Ia o se tasi o a tatou faamuamua; o lona uiga, o Ia o lo tatou faamuamua aupito maualuga e tasi.