Tekem long Yumi Nem blong Jisas Kraes

Yumi save luk faef wei long proses we yumi save tekem long yumiwan nem blong Jisas Kraes. …

Fas wei hem i blong luksave. … Taem yumi tekem long yumiwan nem blong Jisas Kraes, yumi joenem nem blong yumi wetem nem blong Hem. Yumi joen wetem Hem. …

Semmak olsem blong luksave wan narafala wei hem i—blong tingbaot. … Long yumi, blong stap tekpat long sakramen evri wik i helpem yumi blong tingbaot Jisas Kraes truaot long wik. …

… Iven we yumi gat tumas samting long maen, yumi gohed blong tingbaot Hem, olsem we yumi tingbaot ol nem blong yumiwan, nomata wanem yumi lukluk nomo long hem.

Wan samting we i kamaot blong tingbaot wanem Sevya i bin mekem blong yumi i namba tri wei—folem. … Blong yumi, moa yumi luksave mo tingbaot Jisas Kraes, moa yumi wantem blong kam moa olsem Hem. …

Blong folem Jisas Kraes i lidim yumi i go long namba fo wei—stretem yumi wetem stamba tingting blong Hem. Yumi joen wetem Hem long wok blong Hem. …

… Blong mekem olgeta fo wei ia i tekem yumi go long namba faef wei—gat paoa. Yumi kasem akses long paoa blong God mo ol blesing long laef blong yumi. …

Taem yumi mekem moa kavenan wetem God, yumi tekem long yumiwan nem blong Jisas Kraes fulwan. Oltaem, God i blesem yumi wetem paoa blong Hem. …

… Kam long Papa blong yumi long Heven. Tekem nem blong Jisas Kraes long yumiwan. … Bae yu kam wan god insaed long kingdom blong Papa blong yumi long Heven, yumi save joen long Kraes, Sevya mo Ridima we yumi lavem tumas.