Pruvum Yu mo Kam Strong Moa Tru long Kraes

Longtaem bifo, mi wantem blong lanem saens mo matematik long ol kolej yia blong mi. Mi filim se i tumas. Mi stat tingting blong givap mo stadi long wan samting we i moa isi.

Tingting blong mi i kam slak. Taem mi prea, mo i filim kwaet pis blong Lod. Mi filim Hem i talem long maen blong mi, “Mi stap testem yu, be mi stap tu wetem yu.”…

Mi lanem se ol hadwok blong mi wetem saens i bin wan tru presen we i kam long Lod. Hem i stap tijim mi se wetem help blong Hem, mi save mekem ol samting we oli no posibol, sapos mi gat fet ia se Hem bae i stap long taem ia blong helpem mi. Tru long presen ia, Lod i bin stap wok blong pruvum mi mo mekem mi kam strong moa.

… Blong testem wan pis blong aean hem i blong meltem. … Aean ia i no lusum paoa taem oli stap mekem tes long hem. Be i tru, hem i kam wan samting we wan i save trastem, i kam wan samting we i strong inaf blong mekem ol bigfala wok. …

Taem yumi gohed blong gat fet long Jisas Kraes—iven sapos yumi filim se ol samting oli no posibol long yumi long taem ia—bae yumi kam moa strong long saed blong spirit. …

From bigfala Atonmen mo glori blong Hem, Jisas Kraes i save mekem yumi kam moa strong long ol taem blong tes blong yumi. …

… Bae i save kam kwaet, tru long ol tes blong famli laef. I save kam tru long ol sik, tingting we i foldaon o harem nogud o fasin blong stap yuwan.

Mi serem witnes blong mi se ol taem ia oli no wan pruf se Lod i lego yu. Be, oli ol pruf se Hem i lavem yu inaf blong mekem yu kam klin mo kam moa strong. Hem i stap mekem yu blong kam strong inaf blong kwalifae from laef we i no save finis.