Olgeta we Oli Man Blong Mekem Pis Oli Save Harem Gud

Jisas I Stap Kamaot long Ston blong Gref, i kam long Dan Burr

Letem yumi lukluk moa long ol tri ples ia we wan Lata-dei Sent blong tedei i stap mekem pis long hem.

Faswan hem i insaed long hat blong yumi. …

… Gospel blong Jisas Kraes i kea mo joenem ol tabu filing ia wetem fasin ia blong mekem pis long ol hat blong yumi, mo blesem yumi long laef ia mo nekis laef.

Nambatu, i blong bildim fasin blong mekem pis long ol hom blong yumi taem yumi yusum paten blong Lod blong jenisim ol rilesensip wetem wanwan long yumi: fasin blong winim tingting blong man, fasin blong gat longfala tingting, fasin we i kaen mo no stap flas mo fasin blong gat tru lav. …

… Blong stap wan man blong mekem pis, yumi fogivim ol nara man mo bildimap olgeta be i no blong pulum olgeta i godaon.

Nambatri, fasin blong mekem pis insaed long ol komuniti blong yumi. …

… Insaed long ol kongregesen mo komuniti blong yumi, bae yumi jusum blong lukluk yumi wanwan olsem ol pikinini blong God.

Blong talem i sot, mi givim wan invitesen. … ?Bae yu tingting long wan plan blong wan wik, we i gat tri step blong stap wan man blong mekem pis?

1. Wan hom we i nogat raorao: Taem raorao i stat, stop mo stat bakegen wetem ol gud toktok mo aksen.

2. Bildim sosol media brij: Bifo yu mekem wan post, o ansabak, o mekem komen onlaen, askem, Hemia bae i bildim wan brij? Sapos no, stop. Yu no sendem. Be, yu serem gud samting. Putum pis blong i riplesem fasin blong no laekem man.

3. Fiksim mo joenem bakegen: Wanwan famli memba i save tingbaot wan we i nogat gud rilesensip wetem blong i save talem sori, givhan, fiksim mo joen tugeta bakegen. …

Fasin blong mekem pis i wan fasin blong Kraes. …

Yumi mekem i hapen ol tabu wok blong yumi olsem ol pikinini blong wan Papa long Heven we i gat lav, taem yumi traem blong kam ol man blong mekem pis.