Flasem Yu Wetem Klin Fasin blong Kontrolem Yuwan

Lod Hemwan i talemaot se: …

“Mo i no gat wan i save givhan long wok ia sapos nomo hem i putum tingting blong hem i stap daon mo hem i fulap long lav, mo i gat fet, hop, mo bigfala hat, i save kontrolem hem long eni samting, nomata wanem wok oli givim long hem blong mekem.”

Instraksen blong Sevya we oli raetemdaon long tabu revelesen ia, i rimaenem yumi se, fasin blong kontrolem yuwan i impoten tumas blong save mekem i kam strong moa wan strong fandesen long Jisas Kraes. …

Aot long ol kwaliti blong ol fasin blong flasem yu tru ol fasin blong stap wan disaepol blong Kraes, fasin blong kontrolem yuwan nao i kamaot klia mo i soemaot pikja blong Sevya Hemwan, wan naesfala blesing blong Spirit, we i gat i stap blong evriwan we oli akseptem tabu paoa blong spirit. …

Ol disaepol blong Kraes we oli traehad blong wok long ol fasin ia olsem hemia blong Kraes, bae oli kam antap gud long fasin blong putum tingting i stap daon mo fulap wetem lav. …

… Gospel blong Jisas Kraes i invaetem yumi blong eksasaesem klin fasin ia speseli long ol taem we i gat jalenj, from we ol kaen taem ia nao bae wan i save soemaot tru fasin blong hem. …

Ministri blong Sevya long wol ia oli bin makem tru long klin fasin blong Hem long saed blong fasin blong kontrolem Hemwan long evri pat blong fasin blong Hem. …

Jisas Kraes, Hem i bigwan bitim evri samting, i bin safa from yumi kasem taem blad blong Hem i ron aot long evri hol blong skin, be yet, Hem i neva letem filing blong kros i stat long hat blong Hem, o blong mekem strong aksen, o mekem wan i sem, o talem ol rabis toktok i kamaot long maot blong Hem, iven long medel blong ol hadtaem olsem. …

… Taem yumi traehad wetem fet mo strong tingting evri dei blong wantem mo oltaem gat fasin blong kontrolem yumiwan long ol aksen mo ol toktok blong yumi, mi testifae se hemia bae i mekem laef blong yumi i kam moa sef long wan sua fandesen blong Ridima blong yumi.