Mekem Pat blong Yu wetem Ful Hat blong Yu

I simpol olsem, yu nidim blong save kontrolem yuwan blong mekem se yu save stap olsem wan disaepol. …

… Fasin blong agens long laef ia, i mekem fet blong yumi we i fasin blong stap tru long Sevya, i kam moa strong. Hem i stap strong kasem en from yumi gohed blong fidim, yumi gohed blong yusum oltaem mo yumi no givap.

Long nara wei, sapos yumi no yusum fet mo paoa blong hem blong winim tingting taem yumi mekem samting folem, yumi nomo sua tumas long ol samting we long wantaem hem i tabu long yumi—yumi nomo gat tras long ol samting we yumi bin save se oli tru. …

Faea blong testemoni blong yumi blong yestedei, i save holemtaet yumi blong smol taem nomo. …

… Ol presen blong yumi oli kam blong hapen mo plante nomo taem yumi yusum olgeta. …

Bambae i tru i se i no oltaem we ol presen blong yumi long saed blong spirit oli luk naes, be hemia i no minim se oli no impoten tumas. …

So, letem yumi wanwan i mekem smolsmol pat blong yumi. …

Tingbaot se Jisas Kraes nao i bin mekem wan bigfala pat taem Hem i winim ded mo sin.

Pat blong yumi i blong folem Hem we i Kraes. …

Taem fet i slak, stat wetem hop long Kraes Jisas mo paoa blong Hem blong mekem man i klin mo tabu. …

Yumi save we ol efot blong yumiwan i no save mekem yumi selestial. Be oli save mekem yumi stap tru mo komitim yumi long Jisas Kraes, mo Hem i save mekem yumi selestial. …

… Yumi talem tangkyu long ol step we yumi tekem yestedei, be yumi no stop long ples ia. Yumi save se yumi gat longfala rod yet blong go, be yumi no letem hemia i mekem tingting blong yumi i foldaon.

Hemia i laef blong huia yumi—olsem ol man blong folem Kraes.