Jisas Kraes mo Niu Stat blong Yu

Jisas “i go mo mekem ol gudfala wok.” … !Hemia i wan bigfala toktok we stap! …

Evri samting we Hem i talem mo mekem i givim wan niu stat long wanwan long olgeta we Hem i hilim, blesem, tijim, mo mekem oli fri aot long sin. Hem i no bin lego olgeta, mo bae Hem i no lego yu. …

… Yumi evriwan i save kat wan niu stat, tru, mo from, Jisas Kraes. Mo yu tu. … !Hemia i jos blong ol niu stat! …

Fasin blong sakem sin i givim yumi ol niu stat, ol fres stat, mo ol seken janis. …

… !Ol niu stat, niu japta, mo niu janis oli ol simpol samting we oli impoten long gud nius blong gospel!

… Enemi hemwan nomo i glad long tingting ia se yu stap draon long harem nogud blong yuwan. I no olsem.

Mo ol niu stat oli no blong ol sin mo mistek blong yumi nomo. … Yu save jenisim ol samting abaot yuwan, we i stap mekem yu wari blong plante yia. …

Long olgeta we oli stap fesem hadtaem wetem semmak sin o semmak harem nogud bakegen bakegen mo bakegen, yu gohed. … Mo gat tras long niu stat we i stap, blong yu, evri taem yu kambak long Papa blong yu wetem tru hat. …

… Plis, kasem niu stat blong yu, iven tedei, naoia. Jisas Kraes i Man we i Raetem stori mo En blong fet blong yumi, mo i raetem plante niu japta wetem yumi. Hem i Stat mo i En—en blong sem mo harem nogud blong yumi mo wan stat blong niu laef long Hem, we i letem yumi blong lego ol samting we i pas finis biaen mo stat bakegen wetem wan niu stat plante stat olsem we yumi nidim.