Satedei Moning Sesen
Famli I Stamba long Gospel blong Jisas Kraes
Samfala Pat
Mongolia
Ajentina
Famli i stamba blong doktrin blong Jos Ia blong Jisas Kraes blong Ol Lata-dei Sent. …
Nomata long toktok blong doktrin, i gat oposisen. …
Yumi save andastanem namba blong mared mo ol pikinini, we i stap go daon, long wan nasonal level from plante risen, be yumi mas mekem ol Lata-dei Sent valiu mo praktis i kam moa antap—be i no blong folem—ol fasin ia. …
Atoriti blong ol paren i stap lus, be ol Lata-dei Sent oli gat wan responsabiliti we i kam long God blong tijim ol pikinini blong olgeta blong mekem rere ples we bae ol famli blong yumi i stap long hem blong oltaem (luk long Doktrin mo Kavenan 68:25). …
Sevya blong yumi Jisas Kraes Hem i bigfala eksampol blong yumi. … Blong folem Kraes mo givim yumiwan long seves blong wanwan long yumi i stret meresin blong selfis mo hae tingting we i kam wan nomol samting tedei.
Ol paren tu oli gat diuti blong tijim ol pikinini blong olgeta long ol save blong putum long praktis, we i defren long ol gospel prinsipol. …
… Ol famli oli gro taem oli stap lan olsem wan grup mo kaonsel tugeta long evri situesen abaot famli mo ol memba blong famli. …
Ol bigfala blesing i kam long ol famli taem oli prea mo nildaon evri naet mo moning blong talem tangkyu from ol blesing mo blong prea from ol nid blong famli. Ol famli oli kasem blesing taem oli wosip tugeta long ol Jos seves mo ol nara ples blong prea. Ol famli rilesensip i kam moa strong tru long ol famli stori, taem yumi mekem ol famli tradisen, mo serem ol tabu eksperiens blong yumi. …
Mi testifae long Lod Jisas Kraes we i Stret Pikinini Ia Nomo blong God, Papa ia we I No Save Finis. Hem i invaetem yumi blong folem kavenan rod ia we i lidim yumi i go blong joenem kam tugeta blong famli we i no save finis.