Satedei Naet Sesen
Lav blong Atonmen blong Jisas Kraes
Samfala Pat
Talitha Cumi, i kam long Eva Timothy
Sapos yu bin komitim ol series sin mo stap long proses blong sakem sin o wantem blong sakem sin fulwan mo filim bigfala glad blong fogivnes, plis save se merikel ia i stap wet long yu. …
Taem yu tanem yu aot long sin, tanem yu i go long God mo mekem fet blong yu i kam strong moa long Jisas Kraes, hemia i wan gudfala stat. Putum tingting blong yu i stap daon mo folem tingting blong God mo tu, talemaot ol series sin blong yu long bisop o branj presiden blong yu, be fogivnes blong yu we i fulwan i kam long Sevya.…
Fasin blong wantem tru blong gobak long God hem i joen wetem tru tingting blong stap ones fulwan wetem Papa blong yu long Heven, wetem yuwan, wetem olgeta we oli harem nogud mo wetem prishud lida blong yu. …
Strong tingting blong yu bae i lidim yu blong wantem blong stretem wanem we yu bin brekem. Yet, taem yu luksave se sam samting i no stap long paoa blong yu blong stretem, yu gohed blong prea se Lod, tru long gladhat blong Hem, bae i help blong hilim olgeta we oli bin harem nogud from risal blong ol aksen blong yu. …
Taem yu lukaotem fogivnes blong Lod, gat longfala tingting taem yu stap wet blong kasem ful apruvol blong Hem. …
Long yu we yu filim nogud from ol series sin blong wan narawan, mi wantem blong serem lav mo sore blong Sevya, mo kamfot mo pis blong Hem.
… Mi givim yu wan sua promes se Sevya i save mo i lavem yufala. Go long Hem. Hem i kamfot mo paoa blong yu; bae Hem i sendem ol enjel blong Hem blong leftemap tingting blong yu.