Tanem Hat blong Yu i go long Jisas Kraes: Tabu Presen blong Praemeri Miusik

Mi faenem glad taem mi joen wetem ol Sent tru long lanwis we oli serem, long ol tabu miusik. Mo speseli tru long ol simpol singsing blong Praemeri, Tabu Spirit i mekem mi kam blong andastanem moa ol lanwis mo fulumap hat blong mi wetem, smol voes blong Hem. …

… Praemeri miusik i wan long ol impoten tul we God i laekem blong yusum blong planem ol sid blong testemoni long hat blong ol yang disaepol blong Sevya. …

… Miusik i oltaem impoten blong tijim ol pikinini abaot gospel. Ol singsing blong Praemeri i save kam wan fas lanwis long saed blong spirit from ol simpol, melodi we i talemaot klia ol trutok blong gospel. …

Ol Praemeri singsing oli save stap tu olsem ol tul we i gat paoa blong tijim doktrin. Sam singsing i talem abaot ol stori blong laef blong Sevya mo wok blong Hem. Ol narawan oli tijim abaot ol fasin blong Hem, olsem fet, hop mo bigfala lav blong Hem. Mo ol singsing we i moa tabu i testifae abaot Atonmen blong Hem we i no save finis mo lav we i kam tru long fasin ia blong pem praes. …

… Singsing we yumi lanem taem yumi gat sikis yia i gat paoa blong stap wetem yumi—mo i save kambak long yumi afta long ol taem blong mekem desisen, temtesen, harem nogud, o glad. …

… Spirit i save yusum miusik blong putum ol trutok we i no save finis long ol sofsof hat blong olgeta. Mo long semmak taem, ol pikinini oli save jusum blong filim mo tanem ol hat mo laef blong olgeta i go long Jisas Kraes taem oli mekem mo kipim ol tabu kavenan wetem Hem. …

Ol dia fren, mi testifae se ol Praemeri singsing oli tijim ol trutok we i no save finis mo doktrin we i lidim yumi i go long Jisas Kraes mo gospel blong Hem.