Ko e hā ʻoku ʻi ai ai ha Siasi ʻo e ʻEikí?

Ko e taumuʻa ʻo e Siasi ʻo Kalaisí ke “lava ʻa e fakafoʻituituí mo e ngaahi fāmilí ʻo tokoni ki he ʻOtuá ʻi hono fakahoko ʻEne ngāue ki he fakamoʻuí mo e hakeakiʻí.” ʻOku tokoni ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻaho Kimui Ní “ke fakafeʻungaʻi e fānau [ʻa e ʻOtuá] ki he nāunau māʻolunga tahá, ʻa ia ko e hakeakiʻí pe moʻui taʻengatá.”

“Naʻe fekauʻi ʻe he Fakamoʻuí … [ʻa e Siasí] ke fakahoko ʻEne ngaahi taumuʻá—ʻa hono malanga ʻaki ʻEne ongoongoleleí, ʻoatu ʻEne ngaahi ouaú mo e fuakavá, pea malava ke fakatonuhiaʻi mo fakamāʻoniʻoniʻi ʻe Hono mālohí kitautolu.”

ʻOku lava ke maʻu ʻe he kāingalotu ʻo e Siasí ʻa e mālohi mo e ngaahi tāpuaki ʻo Sīsū Kalaisí ʻo fakafou ʻi he mafai mo e ngaahi kī ʻo e lakanga fakataulaʻeikí, ngaahi fuakavá mo e ngaahi ouaú, fakahinohino fakaepalōfitá, ngaahi folofolá, pea mo ha feohiʻanga ʻo e Kāingalotú.

Kuo fekau foki ki he Siasí: “Tuʻu hake pea ulo atu, koeʻuhí ke hoko ʻa hoʻomou māmá ko ha fuka ki he ngaahi puleʻangá” (Tokāteline mo e Ngaahi Fuakava 115:5

ʻOku feinga ʻa e kāingalotu ʻo e Siasí ke “ulo atu” ʻaki ʻenau moʻui ʻaki ʻa e ongoongoleleí, fakaafeʻi ʻa e kakai kotoa pē ke nau tali ʻa e ongoongoleleí, fakatahaʻi ʻa e ngaahi fāmilí ki ʻitāniti, mo tokangaʻi ʻa e masivá mo e faingataʻaʻiá. Ko e ngāue ʻeni ʻa e ʻOtuá ki he fakamoʻuí mo e hakeakiʻí.