Fakafehokotaki
Danna L.
14, Simaletenango, Kuatemala
Faitaaʻi ʻe Melanie Miza
Naʻe fakahoko ʻe homau siteikí ha ʻekitivitī ngāue fakafaifekau ʻa e toʻu tupú. Naʻe fokotuʻu ʻa e senitā fakasiteikí ʻo hangē ha kiʻi senitā Akoʻanga Fakafaifekaú. Naʻe akoʻi kimautolu, pea mau ʻalu atu leva ke tokoni ki he ongo faifekaú ʻi hono vahevahe ʻo e ongoongoleleí mo e kakai ʻi Simaletenangó.
Naʻe tali lelei kimautolu ʻe ha kakai ʻe niʻihi, ka naʻe ʻita ha niʻihi, loi fekauʻaki mo ʻenau fika telefoní mo e tuʻasilá, pe fūfuuʻi. Taimi ʻe niʻihi naʻá mau loto-foʻi, ka naʻá ma fetaulaki mo ha kakai naʻa nau fie fanongo pea mahalo pē naʻe ueʻi kinautolu ʻi heʻemau pōpoakí. Neongo naʻe ʻikai ke liliu ʻenau moʻuí, ka naʻe tupulaki ʻeku fakamoʻoní.
ʻI he taimi naʻe ʻi māmani ai ʻa Sīsū Kalaisí, naʻe fakakata ʻaki Ia ʻe he kakaí, ka naʻá Ne tokanga lahi ange ki he fakakaukau ʻa e Tamaí kiate Iá ʻi he fakakaukau ʻa e niʻihi kehé kiate Iá. Kapau ʻoku tau ʻilo ʻoku moʻoni ʻa e ongoongoleleí, ʻoku ʻikai fiemaʻu ia ke tau fūfuuʻi pe ongoʻi mā. ʻE ʻi ai maʻu pē ʻa e ʻEikí ke tokoniʻi kitautolu.