Nima Fai-fakamoʻui

Tā fakatātā ʻa Katelyn Budge

Naʻá ku ʻā hengihengia hake ʻi ha ʻaho Tokonaki ʻe taha, ʻa ia naʻe kehe—he ʻoku faʻa fuoloa ange ʻeku mohé. Ka naʻá ku ongoʻi ha ueʻi fakavavevave ke u hifo ki he fungavaka ʻi laló, ʻo hangē naʻe tataki au ki aí.

Naʻe ʻikai ha taha mo ʻeku fineʻeikí ʻi lalo. Naʻá ku ʻiloʻi ai naʻá ne faingataʻaʻia ʻi ha tamatō ʻi he pongipongi ko iá, ko ia naʻá ku tangi fakataha mo ia pea fotofota hono ongo umá mo e vaʻé. Neongo ʻa e loto-mamahí, ka naʻá ku ongoʻi nonga pē. Naʻe nonga hoku ʻatamaí, pea naʻá ku ongoʻi nonga mo fiemālie.

Naʻe talamai ʻe heʻeku faʻeé pau pē ʻoku ou maʻu ha nima faifakamoʻui, koeʻuhí he naʻe tokoni ʻeku fotofotá ke ne ongoʻi fiefia mo nonga moʻoni. Naʻá ku houngaʻia ʻaupito ʻi heʻeku lava ʻo fakafiemālieʻi iá mo ako ʻa e ongo ʻoku maʻu ʻi hono tataki au ʻe he Laumālié.

Naʻe akoʻi au ʻe he aʻusia ko ʻení ʻoku ʻikai fiemaʻu ia ke u fai ha ngaahi meʻa makehe ke u ngāue fakaetauhi ki he niʻihi kehé. ʻOku fiemaʻu pē ke u tuku ʻeku hīkisiá mo e hohaʻá kae tokanga taha ki he ʻofa ʻa e ʻOtuá, pea te Ne fakaʻaongaʻi au ke u hoko ko Hono toʻukupu pea ʻomi ʻEne māmá ki he kakai kehé.