Ko e Ueʻi Fakalaumālie ʻi he Feʻauhí

Tā fakatātā ʻa Katelyn Budge

Naʻá ku manavasiʻi ʻaupito ke ʻahiʻahi fakaʻaliʻali ʻi heʻeku fuofua ʻeti fakafaivá, ko ia naʻá ku lotua mo kole ke tāpuekina ʻaki au ʻaki ʻa e konga (role) pau naʻá ku fiemaʻu. ʻI heʻeku lotú, naʻá ku ongoʻi naʻe ueʻi au ke fakatonutonu au, ko ia naʻá ku toe pehē, “Kapau ʻoku ʻikai ko e fatongia ia ʻoku ou fiemaʻú, kātaki ʻo tāpuakiʻi au ʻaki ʻa e konga ʻoku ou fiemaʻu vivilí.”

Naʻe lelei ʻaupito ʻa e ʻahiʻahi fakaʻaliʻalí, ka naʻe ʻikai ke u maʻu ʻa e konga naʻá ku fiemaʻú. Naʻá ku maʻu pē ha kiʻi konga siʻisiʻi ange—mo ha foʻi hiva solo. Naʻe ʻikai ke u maʻu ʻa e konga naʻá ku fiemaʻú. Naʻá ku falala ki he ʻOtuá pea naʻá ku tali ʻa e kiʻi konga siʻisiʻi angé, pea naʻá ku fiefia ai! ʻOku ʻikai ke u ʻilo pe naʻá ku mei ʻiloʻi nai ʻeku manako ki he ʻetí kapau naʻá ku maʻu ʻa e konga naʻá ku fiemaʻú.

ʻOku ou fiefia naʻá ku fakafanongo ki he ueʻi ko iá. Naʻá ne fakamālohia hoku vā fetuʻutaki mo e Tamai Hēvaní ke tuku au ki Hono toʻukupú mo pehē te u tali ha faʻahinga konga pē te u maʻu.