Piula T.

16, Vaʻa Kuatemalá, Kuatemala

Naʻá ku saiʻia ke maʻu ha uiuiʻi ʻi he Kau Finemuí. Naʻe fakaʻau ke u ʻiloʻi pau ʻa e ngaahi fakakaukau ʻa e kau finemuí takitaha. Naʻá ku feinga ke maʻu ʻenau falalá, pea ko e meʻa naʻá ku fakatokangaʻi ʻi heʻeku hoko ko honau kaungāmeʻa takitahá, ko e tokolahi ʻo kinautolu ʻoku ʻi ai ʻenau ngaahi palopalema naʻe ʻikai ke u ʻilo ki ai.

ʻOku ou tui kuo foaki mai ʻe he Tamai Hēvaní ʻa e ngaahi meʻangāue kotoa ʻoku tau fiemaʻú. Ko ʻetau Tamaí moʻoni Ia. ʻOkú Ne ʻafioʻi kitautolu, pea ʻokú Ne ʻafioʻi ʻa e meʻa ʻoku tau malavá. ʻOku tau ako ʻi he folofolá, ʻe lava ke fakamālohia kitautolu ʻe he ʻOtuá ʻi hotau ngaahi ʻahiʻahí. Te tau lava ʻo ongoʻi houngaʻia koeʻuhí ʻoku ʻafioʻi ʻe he Tamai Hēvaní ʻoku tau mālohi pea lava ʻo tokoni ke tau ako mei ai mo ikunaʻi ia.

Kapau ʻokú ke foua ha taimi faingataʻa, lotu ki hoʻo Tamai Hēvaní ʻo kole ʻEne tokoní. Te Ne tataki koe.