Wewe Ndiwe Kristo

Mambo Ambayo Aliomba Hayawezi Kuandikwa, na Casey Childs

Wakati mwana wetu Eli alipokuwa darasa la nne, darasa lake liliunda serikali mwigo ambapo yeye alichaguliwa na wenzake kuhudumu kama hakimu wa darasa. Siku moja hakimu kutoka Mahakama ya Wilaya ya 2 ya Utah alitembelea, akamvisha Eli joho lake rasmi na kisha akamuapisha kiapo cha ofisi ya darasa lao. Hii ilichochea katika nafsi changa ya Eli, msukumo wa kujifunza sheria na Mtoa Sheria Mwenyewe, Yesu Kristo.

Baada ya miaka ya juhudi nyingi, Eli alipokea mwaliko wa usaili kwenye mojawapo ya machaguo yake ya juu kwa ajili ya shule ya sheria. Alitangaza, “… Swali la mwisho lilikuwa, “Unapata kutoka wapi dira yako ya maadili? Nilisema kama binadamu wote wangefuata mafundisho ya Yesu Kristo katika Mahubiri ya Mlimani, dunia ingekuwa mahali bora, penye amani zaidi.” Kisha usaili ukaisha, na akawaza mwenyewe, “Haya ndoto za utotoni mwangu. Hakuna mtu katika elimu dunia anataka kusikia kuhusu Yesu Kristo.

Wiki mbili baadaye, Eli alikubaliwa na kupata ufadhili wa masomo. Kabla ya kukubali, tulitembelea chuo hiki. … Cha ajabu, tulipokuwa tunatembea kupita kwenye maktaba nzuri na ushoroba wa kuvutia, tuliona maandishi kwenye mabango na mawe yaliyochongwa sifa kutoka kwenye Mahubiri ya Mlimani.

Mahubiri ya Mlimani ni mhadhara bora wenye uwezo wa kufanya maamuzi uliowahi kutolewa, katika mafundisho yake yote. Hakuna mahubiri mengine yanayoweza kutusaidia kuelewa vyema tabia ya Yesu Kristo, sifa Zake za kiungu, na dhumuni letu kuu la kuwa kama Yeye. …

Tunahitaji kujaza Nuru ya Yesu Kristo katika kila kona ya maisha yetu. …