Շաբաթ երեկոյան նիստ
Եվ մենք խոսում ենք Քրիստոսի մասին
Հատվածներ
Մեր օրերի ապրող մարգարեները, որոնք հայտնություն են ստանում Աստծուց՝ մեզ սովորեցնելու և ուղղորդելու համար, շարունակաբար հրավիրում են մեզ գալ Քրիստոսի մոտ։ … Կարելի է մեջբերել Առաջին Նախագահության կողմից հայտարարված բազմաթիվ փոփոխությունների և բարելավումների օրինակներ, որոնց նպատակն է կենտրոնացնել մեզ Հիսուս Քրիստոսի վրա։ …
Եկեք ավելին ուսումնասիրենք սրանցից մի քանիսի ազդեցության մասին։ Առաջինը՝ Եկեղեցու խորհրդանիշը։
… Այս խորհրդանիշն արտահայտում է այն ճշմարտությունը, որ Քրիստոսն Իր եկեղեցու կենտրոնում է և պետք է լինի մեր կյանքի կենտրոնում։ …
… Այս խորհրդանիշը Փրկիչ Հիսուս Քրիստոսի սիրո տեսողական պատկերումն է և կենդանի Քրիստոսի մշտական հիշեցումը։ …
Այժմ եկեք խորհենք Զատիկի կարևորության մասին։ … Կարճ ասած՝ մեզ խրախուսել են Զատիկը դարձնել ավելի վեհ և ավելի սուրբ տոնակատարություն։ …
Սուրբ Զատիկը հնարավորություն է տալիս պատվել Հիսուս Քրիստոսի քավիչ զոհաբերությունը և Նրա բառացի և բերկրալի Հարությունը։ …
… Թեև տարբեր քրիստոնյա աստվածաբանների շրջանում աճում է հարությունը փոխաբերական և խորհրդանշական տեսանկյունից դիտարկելու միտումը, մենք հաստատում ենք մեր վարդապետությունը․ «Քրիստոսի հարությունը նշանակում է, որ բոլոր մարդիկ, ովքեր երբևիցե ապրել են, հարություն կառնեն, և հարությունը բառացի է»։ … Հիսուս Քրիստոսը քանդել է մահվան կապանքները յուրաքանչյուր ապրող հոգու համար։ …
Եզրափակելով՝ ես վկայում եմ, որ բոլոր նրանք, ովքեր կընդունեն մեր ապրող մարգարեի և իր խորհրդականների հրավերները՝ ավելի նպատակաուղղված հիշելու Զատիկի սուրբ տոները, ավելի շատ կամրացնեն իրենց կապը Հիսուս Քրիստոսի հետ։