Sa Unsang Paagi si Kristo Mitabang Nako sa Akong Relihiyoso nga Pagkakutihan

Kaniadto pa kong naglisod mahitungod sa akong relihiyoso nga pagkakutihan, nga sama sa Obsessive-Compulsive Disorder. Naglisod gyod ko mahitungod sa kasulatan nga nagsugo kanato sa pagkahimong hingpit. Wala ko kasabot kon sa unsang paagi kana nahimong posible.

Sulod sa pipila ka panahon ang akong responsibilidad sa pag-adto sa Simbahan ug pagbasa sa mga kasulatan ingon og usa ka palas-anon. Ug ang paghimo niana nga mga butang nahimo nga dili maayong kinaiya apan walay puas nga mapugsanong kinaiya ngari nako. Apan padayon gihapon kong mihimo niining mga butanga kay sa kataposan maayo man kini ug maoy angay nakong buhaton.

Sa kataposan, akong nakat-onan nga dili hunahunaon ang pagbasa sa kasulatan isip kaanad lamang kondili mosubsob sa mga pulong sa mga kasulatan. Wala gayod ako mohunong sa pagbasa niini, apan nagkaanam og kahinay ang akong pagkapugos ug mas naganahan na ako sa paghimo og pagbati sa mga pulong sa Dios.

Akong naamgohan nga si Jesukristo ang mohulip sa atong tanan nga pagkadili hingpit. Ang tumong gayod mao ang makapuyo kauban sa Langitnong Amahan ug mobati sa kahingpitan sa kamaya nga Siya lamang ang makahatag. Kon ihatag nimo ang tanan nga naa kanimo ngadto kang Kristo, imong gihatag Kaniya ang imong tibuok nga kasingkasing, ang tanan gayod. Dayon Iyang ihatag kanimo ang tanang esprituhanong butang. Nakakat-on ko nga mohatag sa akong kasingkasing kang Kristo, ug ang ubang mga butang nga may kalabotan sa pagkahimong usa ka disipulo mosunod ra.