Akses ngadto sa Walay Kataposan nga Gugma

Ang Alang sa Kalig-on sa mga Kabatan-onan: Usa ka Giya sa Paghimo og mga Pagpili nagsaad nga “ang inyong relasyon sa Dios mapalawman samtang kamo mopahayag sa inyong gugma pinaagi sa pagsunod sa Iyang mga sugo ug pagtuman sa inyong mga pakigsaad Kaniya.” ([2022], 12). Mahimo kang:

• Makig-istorya sa Dios pinaagi sa pag-ampo.

• Magkat-on mahitungod Kaniya pinaagi sa pagbasa sa mga kasulatan.

• Mamalandong sa Iyang katuyoan alang kanimo ug magtinguha og patriyarkal nga panalangin.

Ang paghimo sa mga butang nga sama niini makatabang nimo nga makat-on unsaon sa paghigugma sa Dios ug makahibalo sa Iyang walay kataposang gugma alang kanimo.

Kon ikaw nakigbisog nga mabati ang gugma sa Dios, pagbaton og kahupayan sa pagkahibalo nga walay “makapahimulag [kanimo] gikan sa gugma sa Dios” (Mga Taga-Roma 8:38–39). Walay makapugong sa Dios sa paghigugma kanimo. Tuohi kini! Mahimo kang mangutana kanunay sa Dios sa pagtabang kanimo nga makahibalo sa Iyang gugma.

Ang Dios nahigugma sa tanan! Kita makahigugma sa uban pinaagi sa:

• Pag-ampo alang kanila.

• Mahigugmaong pagpaminaw niadtong mga nakigbisog sa kahimsog sa pangisip ug uban pang mga problema.

• Pagkamahigalaon sa mga tawo nga gikuyawan tan-awon o nag-inusara.

Ang Alang sa Kalig-on sa mga Kabatan-onan nga giya nagsaad nga “ang inyong relasyon sa uban mapalawman samtang kamo mopahayag sa inyong gugma pinaagi sa Kristohanon nga pagserbisyo. Makakaplag kamo og hingpit nga kalipay sa paghimo sa kalibotan nga usa ka mas mahigugmaon nga dapit” (12).

Ang paghigugma sa Dios ug sa imong silingan makatabang nimo nga makahibalo sa walay kataposang gugma sa Dios alang kanimo ug makaakses sa Iyang walay kataposang gugma alang sa uban!

Unsaon nimo sa paghigugma sa Dios ug sa imong silingan?