Unsaon Nimo sa Pagkakaplag og Katagbawan Kon Ikaw Haw-ang sa Sulod?

Ako nag-antos gikan sa depresyon ug pagkaadunay mga problema sa akong pamilya. Kadto mao ang usa sa labing lisod nga mga panahon sa akong kinabuhi. Ang akong pamilya nagkabulag, ug dili kaayo kami magkasinabot. Ako naghunahuna sa mga butang sama sa, “Unsa may rason aron magpadayon? Nganong nia man ko dinhi?” Mibati gayod ako og kahaw-ang.

Dayon ako gipaila sa Ang Simbahan ni Jesukristo sa mga Santos sa Ulahing mga Adlaw. Ang akong higala nga midapit nako ngadto sa simbahan kanunayng naningkamot sa pagpuyo sa ebanghelyo ug pagpakigbahin niini sa uban. Iyang gisunod ang Balaang Espiritu pinaagi sa pagdapit nako sa simbahan. Ang panahon nga akong gigahin sa simbahan nindot kaayo. Ang pagtambong sa seminary kauban sa akong mga klasmeyt mipuno nako sa daghan nga gugma. Human sa walo ka bulan nga pag-ilaila sa Simbahan ug pagkat-on mahitungod ni Jesukristo, ako gibunyagan.

Gibati nako nga mura og si Jesukristo miluwas nako gikan sa daghang lisod nga mga butang nga akong giagian atol nianang panahona. Nakahibalo ko nga Siya mao ang mibira kanako.