Ko e Pepa “Taʻemalavá”
Te u lava ʻo kosi ha foʻi ava ʻi ha laʻipepa angamaheni ʻo lahi feʻunga ke hao ai. ʻIkai tui mai? Fakakaukau ʻoku taʻemalava ia? ʻOku ou palomesi atu, ʻoku ʻikai ko ha kākā ia. Te ke lava ʻo fakaʻaongaʻi ʻa e lēsoni fakataumuʻa ko ʻení ke akoʻi hoʻo kalasí, kōlomú, pe fāmilí fekauʻaki mo e falala ki he ʻOtuá ʻi he taimi ʻoku ʻi ai ai haʻo ngaahi fehuʻi—naʻa mo e ngaahi fehuʻi ngali “taʻemalavá.”
-
Kole ki hoʻo kulupú pe ʻoku nau tui te ke lava ʻo kosi ha foʻi ava ʻi ha laʻipepa ʻo lahi feʻunga ke hao ai ha taha. Ko hono moʻoní, he ʻikai tui atu ha niʻihi kiate koe.
-
Lau ʻa e Siosefa Sāmita—Hisitōlia 1:23–25. Fakamatalaʻi ange naʻe ʻikai tui ha kakai tokolahi naʻe malava ke mamata ʻa Siosefa Sāmita ki ha meʻa-hā-mai. Ka naʻá ne ʻilo naʻe moʻoni ia.
-
Taimi ke kosi ʻa e foʻi avá!
-
Pelu ua fakalōloa ʻa e laʻipepá.
-
Kamata hoʻo kosí ʻi he foʻi pelú, kosi fakahangatonu mei ʻolunga ki lalo ʻi he ongo tafaʻaki takitaha ʻo e laʻipepá, kae taʻofi kimuʻa peá ke aʻu ki he ngataʻangá.
-
Vilo mei he tafaʻaki ki he tafaʻaki, hoko atu hono kosi hangatonu mei ʻolunga ki lalo ʻi he laʻipepá (kae ʻoua ʻe kosi ke motú!).
-
Hiki fakalaka ʻi he ongo tafaʻakí, ʻo kosi ʻi he foʻi pelu ʻo e laʻipepá.
-
Fakaava hake ia, peá ke vakai ki ai—ko ha foʻi ava ʻoku lahi feʻunga ke hao ai!
-
-
Aleaʻi ʻa e founga, ʻoku ʻikai ʻuhinga ʻa e fakatupu puputuʻu pe ngali taʻemalava ha meʻá, ʻoku ʻikai moʻoni ʻa e meʻa ko iá. Naʻe mamata moʻoni ʻa Siosefa Sāmita ki he Tamai Hēvaní mo Sīsū Kalaisi.
Mahalo ʻe ʻi ai ha ngaahi taimi ʻe ʻahiʻahiʻi ai hoʻo tuí ʻe he niʻihi kehé, pe te ke fehangahangai mo ha ngaahi fehuʻi fakatupu puputuʻu. ʻI he taimi ʻe hoko ai ʻení, fakakaukau ki he laʻipepa “taʻemalava” ko ʻení. Fili ke ke falala ki he ʻOtuá pea tafoki kiate Ia mo ha ngaahi maʻuʻanga tokoni lelei kehe ke maʻu ha ngaahi tali.
“Ko e tuí ko e ʻamanaki lelei ki ha ngaahi meʻa ʻoku ʻikai mamata ki ai ka ʻoku moʻoni. … Kātaki ʻo tomuʻa fakafehuʻia hoʻo veiveiuá ka ke toki fakafehuʻia hoʻo tuí.”