Ko e Hokohoko Atu Hono Fakafoki Mai ʻo e Ongoongoleleí

Ngaahi tā fakatātā ʻa Katy Dockrill

Kakaí ʻoku fakafepaki ki he Fakamoʻuí mo ʻEne kau ʻAposetoló. Ko e tō ʻa e Siasí ki he ʻauha fakalaumālié pea ʻoku ʻikai ke toe ʻi he māmaní ia.

Ko e ʻUluaki Mata Meʻa-Hā-Maí: Ko e Hā ʻa e ʻOtua ko e Tamaí mo Sīsū Kalaisi ki he taʻu 14 ko Siosefa Sāmitá.

Ko e hā mai ʻa e ʻāngelo ko Molonaí kia Siosefa Sāmita, ʻo talaange fekauʻaki mo e ʻū lauʻi peleti koulá.

Ko e Fakafoki Mai ʻo e Lakanga Taulaʻeiki Faka-ʻĒloné mo e Lakanga Taulaʻeiki Faka-Melekisētekí.

Ko e liliu ʻe Siosefa Sāmita ʻa e Tohi ʻa Molomoná (ʻi ha māhina nai ʻe tolu!), pea ʻoku pulusi ia.

Ko e fokotuʻu fakaʻofisiale ʻo e Siasí, ʻi he ʻaho 6 ʻo ʻEpeleli, 1830.

Kau mēmipa fakaʻofisiale ʻe toko 6 ʻi he kamataʻangá; hili pē ha taimi nounou mei ai, naʻe toko 280

Ko hono fokotuʻu ʻo e Kōlomu ʻo e Kau ʻAposetolo ʻe Toko Hongofulu Mā Uá.

Ko e pulusi ʻa e Tokāteline mo e Ngaahi Fuakavá.

Ko e hā ʻa e Fakamoʻuí, Mōsese, ʻIlaiase, mo ʻIlaisiā ʻi he Temipale Ketilaní pea fakafoki mai ʻa e ngaahi kī ʻo e lakanga fakataulaʻeikí (vakai, Tokāteline mo e Ngaahi Fuakava 110).

Kāingalotu ʻe toko 13,000 tupu

temipale ʻe 1

Ko hono akoʻi ʻo e papitaiso maʻá e kau pekiá ki he kakaí.

Fokotuʻu ʻo e Fineʻofá.

Foaki ʻo e fuofua ʻenitaumeni temipale kakató.

Fokotuʻu ʻo e ngaahi polokalama ʻa e Fuofua Kau Finemui mo e Kau Talavoú.

ʻOku tali ʻa e Mataʻitofe Mahuʻingá ko ha folofola ʻa e Siasí.

Kāingalotu ʻe toko 133,000 tupu

temipale ʻe 1

Kamata ʻo e fuofua polokalama uelofea ʻa e Siasí.

Kāingalotu ʻe toko 760,000 tupu

Temipale ʻe 7

Fakahoko ʻo e ngaahi ouau fakatemipale ki he kāingalotu lalahi moʻui taau kotoa pē, pea fakahoko ʻa e fakanofo ki he lakanga fakataulaʻeikí ki he kakai tangata moʻui taau kotoa pē.

Kāingalotu ʻe toko 4 miliona tupu

temipale ʻe 17, kau ai ʻi Suisalani, Nuʻu Sila, ʻIngilani, mo Palāsila

Tuku atu ʻo e Ko e Fāmilí: Ko ha Fanongonongo ki Māmani.

Kāingalotu ʻe toko 9.25 miliona tupu

temipale ʻe 47 ʻi ha konitinēniti ʻe 6

Ko e holoki ʻo e taʻu ngāue fakafaifekaú mei he taʻu 19 ki he 18 maʻá e houʻeiki tangatá pea mei he 21 ki he 19 ki he kakai fefiné.

Tokolahi ange ʻi he kakai ʻe toko 14.5 miliona

temipale ʻe 140

ʻOange ha ngaahi faingamālie lahi ange ki he toʻu tupú ke nau ngāue ʻi he temipalé.

Fakanounouʻi ʻa e taimi-tēpile ʻa e Siasí ʻi he Sāpaté mei he houa ʻe 3 ki he 2.

Kāingalotu ʻe toko 16.5 miliona tupú

temipale ʻe 168

ʻOku kei hokohoko atu pē hono Fakafoki Mai ʻo e Ongoongoleleí! ʻOku ʻi ai ha kāingalotu ʻo e Siasí ʻi ha ngaahi fonua mo e vahefonua ʻe 200 tupu, ʻoku lea ʻi ha ngaahi lea fakafonua ʻe 700 tupu!

ʻI ʻEpeleli ʻo e 2024: naʻe fakatapui ha temipale ʻe 189, fanongonongo mo ha temipale ʻe 161 (fakakātoa ʻe 350).

Kāingalotu ʻe toko 17.25 miliona tupu