Շաբաթ ցերեկային նիստ
Թաղենք մեր ապստամբության զենքերը
Հատվածներ
Ապստամբությունը կարող է լինել ակտիվ կամ պասիվ: …
Աստծո դեմ ապստամբության ավելի նենգ ձևը, թերևս, պասիվ տարբերակն է՝ անտեսել Նրա կամքը մեր կյանքում։ Շատերը, ովքեր երբեք դա չեն համարի ակտիվ ապստամբություն, կարող են դեռևս հակադրվել Աստծո կամքին և խոսքին, հետամուտ լինելով իրենց սեփական ուղուն՝ առանց հաշվի առնելու աստվածային առաջնորդությունը: …
Սրերը և այլ զենքերը, որոնք թաղեցին դարձի եկած լամանացիները, ապստամբության զենքեր էին՝ դրանց օգտագործման նպատակի պատճառով: Այդ նույն զենքերը, որոնք նրանց որդիների ձեռքում էին և օգտագործվում էին ընտանիքի և ազատության պաշտպանության համար, ամենևին էլ ապստամբության զենքեր չէին Աստծո դեմ: …
Նմանապես, մեր կյանքում կան բաներ, որոնք կարող են լինել չեզոք կամ նույնիսկ բնականորեն լավ, բայց օգտագործվելով սխալ ձևով, դառնում են «ապստամբության զենքեր»: …
… Եթե Աստծո հանդեպ մեր սերը և Նրան մեր ողջ զորությամբ, մտքով և ուժով ծառայելու վճռականությունը դառնա այն չափանիշը, որով մենք դատում ենք ամեն ինչ և կայացնում մեր բոլոր որոշումները, մենք թաղած կլինենք մեր ապստամբության զենքերը: Քրիստոսի շնորհով Աստված կների մեր մեղքերն ու անցյալի ապստամբությունները և կվերացնի այդ մեղքերի ու ապստամբությունների արատը մեր հոգիներից: …
Մեր ապստամբության զենքերը թաղելը տանում է դեպի յուրահատուկ երջանկություն։ … Թող որ մենք շատ, շատ խորը թաղենք Աստծո դեմ ապստամբության ցանկացած տարր մեր կյանքում և փոխարինենք այն պատրաստակամ սրտով ու պատրաստակամ մտքով: