Naʻe Papitaiso ʻa Sīsū

Ko e papitaisó ko e fuofua sitepu ia ke tau fakahoko ke kau ai ki he Siasi ʻo Sīsū Kalaisí! Tā ha fakatātā ʻo ho ʻaho papitaisó, ʻo tatau ai pē pe kuo ʻosi hoko pe ʻokú ke hanganaki fiefia atu ki ai.

Ko e hā ʻa e ʻuhinga ʻoku mahuʻinga ai ʻa e papitaisó kiate koé?

Ko e hā ʻa e ʻuhinga ʻoku mahuʻinga ai kia Sīsuú?

ʻE lava ke tau muimui ʻia Sīsū Kalaisí ʻaki hano papitaiso kitautolu. ʻI he taimi ʻoku papitaiso mo hilifakinima ai kitautolú, ʻoku hoko ha meʻa mahuʻinga ʻe ua: ʻoku tau fai ha fuakava mo e Tamai Hēvaní, pea ʻoku tau maʻu ha meʻaʻofa makehe! Fakahoko ʻa e ʻekitivitī ʻi laló ke ako lahi ange. Kamata ʻi he takele ʻo e faiʻanga papitaisó pea tali ʻa e fehuʻí. Hili iá pea valivali leva ʻa e vaí ʻi he lēvolo ko iá pea hiki hake ki he lēvolo hokó.

• Ko e taʻu fiha nai kae toki lava ke ke papitaisó? (Tokāteline mo e Ngaahi Fuakava 68:27)

• Ko e hā ʻa e lahi ʻo e konga ho sinó ʻoku fakauku ki lalo ʻi he vaí? (3 Nīfai 11:26)

• Ko e hā ʻa e meʻa ʻokú ke palōmesi ki he Tamai Hēvaní? (Mōsaia 18:10; Tokāteline mo e Ngaahi Fuakava 20:37)

• Ko e hā ha meʻaʻofa ʻokú ke maʻu hili hono papitaiso koé? (Tokāteline mo e Ngaahi Fuakava 33:15)

• Ko e hā ha meʻa te ke lava ʻo fai ʻi he uike kotoa ke manatua ai ʻa e fuakava naʻá ke fakahoko ʻi he papitaisó? (Tokāteline mo e Ngaahi Fuakava 27:2)