Ko e Muimui ʻia Sīsū ʻi he ʻOtu Filipainí

ʻOku muimui ʻa ʻĀtama ʻia Sīsū Kalaisi ʻaki ʻene tokoni ki he niʻihi kehé. ʻI ha taimi ʻe taha ʻi he akó, naʻe ʻikai ke ʻi ai ha kai hoʻatā hono kaungāakó. Naʻe fakakaukau ʻa ʻĀtama ke ne vahevahe ʻene kai hoʻataá mo ia. ʻOkú ne pehē, “Naʻá ku ongoʻi fiefia koeʻuhí naʻá ku lava ʻo tokoni ki ha taha ʻo hangē ko ia naʻe fai ʻe Sīsuú.”

ʻOku muimui foki ʻa ʻĀtama ʻia Sīsū ʻaki ʻene lotu. Naʻá ne kau kimuí ni ʻi he feinga fili palesiteni ʻa e akó ki he kōmiti maʻá e fānau akó. Naʻá ne lotu ʻo kole ki he Tamai Hēvaní ke tokoniʻi ia ke ne fiefia ʻi ha faʻahinga ola pē ʻo e filí. ʻOku pehē ʻe ʻĀtama, “Naʻe ʻikai ke u ikuna, ka naʻá ku ʻilo ʻoku ʻi ai ha ngaahi palani lelei ange ʻa e ʻEikí maʻaku.”

Taʻu: 10

Mei: Lisala, ʻOtu Filipainí

Ngaahi Lea Fakafonuá: Faka-Takaloka, Faka-Pilitānia

Taumuʻá: Ke hoko ko ha toketā faitafa ke ne lava ʻo tokoniʻi ʻa e kakaí

Ngaahi Meʻa ʻOku Manako Aí: Feohi mo hono ngaahi kaungāmeʻá mo vaʻinga petiminitoni

Fāmilí: ʻĀtama, Mami, Teti, ongo tuofāfine lalahi, ongo taʻokete

Talanoa mei he Folofolá: Ko e taimi naʻe toetuʻu ai ʻa Sīsū Kalaisí, koeʻuhí ʻoku ʻuhinga ia te tau lava foki mo kitautolu ʻo toe moʻui

ʻAho Mālōlō: Kilisimasi

Meʻatokoní: Nilaká (supo mo e puaka, laʻi ʻakau poki soi, mo e pateta)