Loto-Toʻa ʻi he Palaimelí

Fai ʻe Rebekah Jakeman

Ko ha talanoa moʻoni mei ʻAositulia.

ʻOku manavasiʻi ʻa ʻEmelī ke ʻalu toko taha ki he Palaimelí. ʻOkú ne kole kia Mami ke na ō.

ʻOku pehē ʻe Mami, “ʻOku ou ʻalu ki heʻeku kalasí ʻo ako ki he founga ʻe lava ke tokoniʻi ai au ʻe Sīsuú.”

“Pea te ke ʻalu ki he Palaimelí ʻo ako ki he founga ʻe lava ke tokoniʻi ai koe ʻe Sīsuú.”

ʻOku fāʻofua ʻa Mami kia ʻEmelī. “ʻE lava ke tokoniʻi kitautolu ʻe Sīsū, ʻo aʻu ki he taimi ʻoku faingataʻa aí.”

ʻOku luelue ʻa Mami mo ʻEmelī ki he Palaimelí pea ʻokú ne taʻataʻalo.

ʻOku nau ako ha foʻi hiva fekauʻaki mo Sīsū. ʻOku saiʻia ʻa ʻEmelī ʻi he hivá. ʻOkú ne ongoʻi malu mo fiefia.

ʻOku ʻikai ke ʻi he Palaimelí ʻa Mami. Ka ʻoku tokoniʻi ʻe Sīsū ʻa ʻEmelī ke loto-toʻa!