Vaʻinga Mūsika ʻaki ʻa e Vaí

Faʻu ha mūsika ʻi ʻapi ʻo ngāue ‘aki pē ʻa e vai mo e ʻū ipu!

Fokotuʻutuʻu fakaʻotu ʻa e ʻū ipú pe hina sioʻatá.
Fakafonu ʻa e ipu takitaha ʻaki ha vai ʻoku kehekehe honau lahí. ʻOku totonu ke ʻutu ki he ipu sioʻata ʻuluakí ʻa e vai lahi tahá, pea ʻoku totonu ke ʻutu ki he ipu sioʻata fakaʻosí ʻa e vai siʻisiʻi tahá.
Tānaki atu ha meʻa-fakalanu meʻakai ki ho vaí kapau te ke saiʻia ai.
Tā fakamaʻamaʻa ʻa e ʻū ipu sioʻatá ʻaki ʻa e sēpuní pea fakafanongo ki he ngaahi ongo kehekehe ʻoku haʻu mei he ipu takitaha. Tānaki atu ha vai lahi ange ke ʻai ʻa e ngaahi notá ke maʻulalo ange pe huaʻi ha meʻi vai ki tuʻa ke ʻai ke ongo māʻolunga ange ʻa e ngaahi notá.
ʻAhiʻahi tā ha ngaahi nota mei he “ʻI heʻeku Papitaisó” ʻi he peesi hokó, pe ko hoʻo tā haʻo hiva pē ʻaʻau!

Lau ʻa e fakalea ʻo e hiva “ʻI heʻeku Papitaisó” ʻi he peesi hokó. Hili iá pea tā ha fakatātā ʻo e ongo ʻokú ke maʻu mei he foʻi hivá, peá ke vahevahe ia mo ha taha!