Meʻakaí & Fiefiá

ʻOku ʻofa lahi ʻaupito ʻa e Tamai Hēvaní mo Sīsū Kalaisi ʻiate koe! Ngaohi ʻa e kaati fakalata ko ʻení ke talaange ki ha taha ʻokú ke ʻofa foki mo koe ʻiate kinautolu.

1. Pelu ua ha laʻipepa ke vaeua.

2. ʻAi ho foʻi tuhu fōsiʻí ke feʻunga tonu mo e pelú pea tā ho laʻinimá ʻi he laʻipepá.

3. Kosi takai ʻi he laine naʻá ke taá. ʻOua naʻá ke kosi ʻa e pelú!

4. Fakaava hoʻo kātí ʻo tohiʻi pe tā ʻi loto ha pōpoaki ʻofa maʻa ha taha.

Tata ha faʻahinga meʻakai pē ʻokú ke saiʻia ai ʻo hili ʻi ha laʻi tōtia (tortilla). ʻE lava ke ke ʻahiʻahiʻi ʻa e patá mo e siamú, pepaloni mo e siisi, laʻipele mo e pīpī, pe ko ha faʻahinga meʻa pē ʻokú ke saiʻia ai! Takaiʻi leva ʻa e tōtiá peá ke tofitofi manifi fakalelei ia. Hili ia ʻi he peletí ʻo fakahanga ʻa e tafaʻaki ʻoku takatakaí ki ʻolunga.

ʻI he taimi naʻe ʻi māmani ai ʻa Sīsū Kalaisí, naʻá Ne ʻofeina mo tokoniʻi ʻa e tokotaha kotoa. Te tau lava ʻo muimui ki Heʻene sīpingá ʻi he ʻahó ni. Ko e hā ha founga kuó ke tokoni ai ki ha taha?

Ko e taimi ʻoku ou tokoniʻi ai ha taha, ʻoku ou ongoʻi ʻoku laukau ʻaki au ʻe he Tamai Hēvaní pea ʻokú Ne hōifua kiate au.

Filise G., taʻu 11, Vāhenga Kisumu, Keniā

Naʻá ku tokoni ki ha kiʻi leka naʻe lavea ʻi he feituʻu faiʻanga vaʻingá. Naʻá ku fiefia ʻi heʻeku lava ʻo tokoní.

Heisolo L., taʻu 7, Kalefōnia, USA