Talitali Lelei Kimoutolu, Ngaahi Kaungāmeʻa!

Kuo mau fai ha ngaahi liliu ʻi he taʻú ni! Ko ʻetau konga Haʻu, ʻo Muimui ʻIate Aú ʻoku ʻoatu ia ʻi he taimí ni ʻi he konga kimui ʻo e makasiní. (ʻAlu ʻo vakaiʻi!) ʻOku ʻikai ke toe ʻi ai haʻatau konga mavahe “Maʻá e Fānau Lalahi Angé” mo e “Maʻá e Ngaahi Kaungāmeʻa Īkí,” ka ʻoku kei ʻi ai pē ʻa e ʻū peesi fakafiefiá, ʻa ia ʻoku fakamovete holo ʻi he makasiní—maʻá e tokotaha kotoa pē.

Pea hangē ko e meʻa ʻokú ke angamaheni maʻu pē ki aí, ʻoku ʻi ai ʻetau ngaahi ngāue fakameaʻa, fanga kiʻi vaʻinga, mūsika, mo e ngaahi talanoa fekauʻaki mo e fānau moʻoni hangē ko koé, ʻoku nau muimui kia Sīsū Kalaisi. ʻI he taʻu ní, ʻoku mau kole atu foki ki heʻetau kau laukongá ke nau ʻomi ha ʻū laʻipepa fakatātā ʻo honau laʻinimá ʻo fakamatalaʻi mai ai ʻa e founga naʻa nau fai ai ha ngāue tokoní. ʻAlu ki he peesi 13 ke ako lahi ange.

Te tau maʻu ha fiefia lahi ʻi heʻetau muimui fakataha kia Sīsū ʻi he taʻu ní!

Ko e Kaumeʻá