“Ko e Papitaisó ko ha Meʻaʻofa Fakafiefia,” Ko e Kaumeʻá, Sānuali 2026, 2–3.
Mei he Kau Palesitenisī ʻo e Palaimelí
Ko e Papitaisó ko ha Meʻaʻofa Fakafiefia
Naʻe tuʻo taha ʻeku talanoa mo ha kiʻi tamasiʻi naʻe manavasiʻi ke papitaiso. Naʻá ne hohaʻa naʻa faifaí ʻokú ne haʻisia ki heʻene ngaahi angahala kotoa pē.
Naʻá ku talaange ko e papitaisó ko ha meʻaʻofa fakafiefia ia, pea ʻoku ʻikai fiemaʻu ia ke ne ilifia. Ko e taimi pē ʻe papitaiso ai koé, ʻe tokoniʻi lahi ange koe ʻe he Tamai Hēvaní! Naʻe akoʻi ʻe Palesiteni Nalesoni, ko e taimi ʻoku papitaiso ai koe mo ke fakahoko ha fuakava mo e ʻOtuá, he ʻikai ke teitei tuku ʻEne feinga ke tokoniʻi koé.* ʻOku fakaafeʻi koe ʻe he Tamai Hēvaní ke ke maʻu ʻa e meʻafoaki ʻo e Laumālie Māʻoniʻoní ke Ne tataki koe ʻi he taimi ʻoku hilifakinima ai koé. Pea ʻi he taimi ʻokú ke fai ai ha fili halá, te ke lava ʻo fakatomala pea fakamolemoleʻi koeʻuhí kuo ʻosi totongi huhuʻi ʻe he ʻAlo ʻo e Tamai Hēvaní, ʻa Sīsū Kalaisi, ʻa hoʻo ngaahi angahalá.
Ko ha tāpuaki moʻoni ia ʻa hono fakaafeʻi koe ʻe he Tamai Hēvaní ʻi ho taʻu valú ke ke fai ha fuakava mo Ia koeʻuhí ke Ne lava ʻo tāpuakiʻi lahi ange koe! ʻOku fakatatali mai ha fiefia lahi kiate koe ʻi hoʻo fakahoko ʻa e sitepu ko ʻeni ke muimui ʻia Sīsū Kalaisí.
ʻI hono Papitaiso Aú, Te U Lava ʻo …
Manatuʻi ʻeku ngaahi palōmesi ʻi he papitaisó ʻi heʻeku maʻu ʻa e sākalamēnití.
Maʻu maʻu ai pē ʻa e Laumālie Māʻoniʻoní.
Kau ki he Siasi ʻo Sīsū Kalaisí.
Toʻo kiate au ʻa e huafa ʻo Sīsū Kalaisí pea muimui kiate Ia ʻi he ʻaho takitaha.
ʻŪ tā fakatātā ʻa Bryan Beach