“Vavé Ni Pē Hoko Hoku Taʻu Valú”

ʻI he taʻu ono nai hoku ʻofefiné, naʻá ma feinga ʻi he lahi taha naʻá ma lavá ke ne mamata ʻi he papitaiso ʻa e fānau kehé. Hili ʻa e papitaiso takitaha, naʻá ma talanoa kiate ia fekauʻaki mo e meʻa naʻe hokó. Naʻá ma tokoni ke mahino kiate ia ko e taimi ʻe taʻu motuʻa feʻunga ai ke papitaisó, te ne lava ʻo ʻiloʻi ʻa e totonú mei he halá. Hili ʻa e papitaiso takitaha, te ne pehē mai, “ʻE vavé ni pē hoko hoku taʻu valú, pea ʻe papitaiso foki mo au.”

Naʻe faifai pea hoko ʻa e taʻu valu hoku ʻofefiné. Naʻe papitaiso mo hilifakinima ia. Kuó ne maʻu eni ʻa e meʻafoaki ʻo e Laumālie Māʻoniʻoní. Naʻá ma talaange ko e taha ʻo e ngaahi founga lelei taha ke ne maʻu maʻu pē ʻa e Laumālie Māʻoniʻoní, ko ʻene maʻu ʻa e sākalamēnití.

ʻI hoʻo maʻu ʻa e sākalamēnití, ʻokú ke palōmesi ai ke ke manatu maʻu ai pē kia Sīsū Kalaisi. ʻE tokoniʻi koe ʻe he Laumālie Māʻoniʻoní ke ke fai ʻa e ngaahi meʻa naʻe akoʻi ʻe Sīsuú mo fakamanatu atu ʻa e meʻa ʻokú ke ako fekauʻaki mo Ia ʻi ʻapi pea ʻi he Palaimelí. ʻOku folofola ʻa e Laumālie Māʻoniʻoní ʻi ha kihiʻi leʻo siʻi mo vanavanaiki pea ʻe tokoni ia ke mahino kiate koe ʻa e meʻa ʻoku totonú mo e meʻa ʻoku halá.

ʻOku saiʻia ʻaupito hoku ʻofefiné ʻi he taimí ni ʻi he sākalamēnití! Pea te ke lava foki mo koe. ʻI hoʻo maʻu ʻa e sākalamēnití ʻi he uike takitaha mo manatuʻi ʻa Sīsū Kalaisí, te ke ongoʻi lahi ange ai ʻa e Laumālie Māʻoniʻoní, pea te Ne hokohoko atu ke tataki koe. Te ke lava ʻo manatu maʻu pē kia Sīsū Kalaisi.

Ngaahi Sitepu ʻo e Fuakavá

Valivali ʻa e fakatātā takitaha ke muimui ki ai ʻi he teuteu ʻa e ʻofefine ʻo ʻEletā ʻOsetilaní ke fakahoko mo tauhi ʻene fuakava ʻi he papitaisó.

ʻŪ tā fakatātā ʻa Samantha Windley