“Mālō e lelei mei he ʻOtu Filipainí!” Ko e Kaumeʻá, Sānuali 2026, 8–9.

Mālō e lelei mei he ʻOtu Filipainí!

Ko e ʻOtu Filipainí ko ha ʻotu motu lahi ia ʻi he fakahihifo ʻo e ʻŌseni Pasifikí. ʻOku laka hake ʻi he kakai ʻe 100 milioná ʻoku nofo ʻi ai! Ko e ongo lea fakafonua fakaʻofisialé ko e lea faka-Filipinó mo e faka-Pilitāniá.

Fonua ʻo e Motu

ʻOku laka hake ʻi he ʻotu motu ʻe 7,640 ʻi he ʻOtu Filipainí. ʻOku nofo ʻa e kakaí ʻi ha meimei ʻotu motu nai ʻe 2,000 ʻo e ʻotu motu ko iá.

Sokoleti Faʻahitaʻu Māfaná

ʻOku ʻi he motu ko Poholó ʻa e ʻOtu Tafungofunga Sokoletí. Lolotonga ʻa e faʻahitaʻu mōmoá, ʻoku liliu ʻa e ngaahi tafungofunga ko ʻení ʻo lanu melomelo pea ʻoku nau hangē mai ha fokotuʻunga sokoletí!

Ko ha ʻĪkale Lahi

Ko e ʻíkale Filipainí ko e manupuna fakafonuá ia pea ko e taha ia ʻo e fanga ʻīkale lalahi taha ʻi he māmaní.

Fāngota ʻAki ʻa e Kofé

ʻOku lahi e fāngota ʻa e kakaí ʻi hení. Ko e founga ʻe taha ʻoku nau maʻu ai ʻa e iká ko hono tā ʻa e vaí ʻaki ha vaʻa kofe lōloa. ʻOku hoko ʻeni ke fakaʻohovaleʻi ai ʻa e iká ʻo nau fihia ʻi hekupengá.

Taimi ke Fiefia!

ʻOku mau fakamanatua ʻa e Kilisimasí ʻi he ʻOtu Filipainí ʻi ha māhina ʻe fā, ʻo kamata ʻi Sepitema. ʻOku mau kamata ʻaki hono tā ha ngaahi fasi mo teuteu faka-Kilisimasi ʻo aʻu ki he ʻosi ʻa e faʻahitaʻú ʻi he konga kimuʻa ʻo Sānualí.