Ngaahi Kaungāmeʻa ʻi he Funga ʻo e Māmaní

Naʻe ʻaʻahi ha fānau Palaimeli ʻi Taoiuani, Taiuani, ki he Temipale Taipei Taiwan. Naʻa nau ongoʻi ʻa e toputapu mo e fakaʻofoʻofa ʻo e temipalé. Naʻa nau toe faʻu foki mo ha ʻū tā fakatātā ʻo e temipalé.

“Tuʻi ko Penisimaní,” Līvai mo Sēkope F., taʻu 7 mo e 10, Laine-Uesifālia Noate, Siamane

“ʻEta 2:16–17,” Uesilī S., taʻu 10, Noate Kalolaina, USA

“Kau Toutai Tangata,” ʻInitekilitī W., taʻu 7, Noate Kalolaina, USA

“Ko e ʻUluaki Mata Meʻa-Hā-Maí,” Sālote R., taʻu 10, Siosiā, USA

ʻEvaleti mo ʻEmasina S., taʻu 7 mo 9, Nepulasikā, USA

Naʻá ku ʻoange ha inu lēmani ki hoku kaungāʻapí ʻi he taimi naʻa nau ngāue mālohi ai ʻi tuʻá. Na‘á ku ongoʻi fiefia. Naʻá ku ʻiloʻi naʻe ʻiate au ʻa e Laumālie Māʻoniʻoní!

Losaline W., taʻu 8, Mīsuli, USA

Naʻá ku tokoni ki he kau ʻaʻahí ke fakatui ʻa e kofukofu hinehina honau suú ʻi he ʻoupeni hausi ʻo e Temipale Okinawa Japan. Naʻá ku ongoʻi ʻa e Laumālie Māʻoniʻoní ʻi he taimi naʻá ku hū ai ki loto ʻi he temipalé lolotonga ʻa e ʻoupeni hausí.

Niko F., taʻu 9, ʻOkinaua Pefekitala, Siapani

Naʻá ku vaʻinga mo hoku tuongaʻané ʻi he malaʻe vaʻingá peá ma ʻilo ai ha kiʻi tamasiʻi kuo mole ʻene paʻangá. Naʻá ku fie tokoni kiate ia, ko ia naʻá ku ʻoange ha konga ʻo ʻeku paʻangá.

Nina M., age 8, Kalinikalati ʻOpalasi, Lūsia

Naʻe fai haʻamau ʻekitivitī fakauooti naʻa mau teuteuʻi ai ha takafi ʻo ha Tohi ʻa Molomoná ke foaki ki ha taha makehe. Naʻá ku foaki ia ki hoku kaungāmeʻá koeʻuhí ke ne lava ʻo ako lahi ange fekauʻaki mo Sīsū Kalaisi. Naʻá ne fakamālō mai peá ne fāʻofua mai kiate au. ʻOku ou ongoʻi fiefia ʻi he taimi ʻoku ou lava ai ʻo vahevahe ʻa e ongoongoleleí mo e kakai ʻoku ou ʻofa aí.

Kepiliela A., taʻu 6, ʻĒlia Losi Lākosi, Sīlei