ʻĀtama mo ʻIvi

Ko ‘Ātama mo ‘Ivi ʻa e ‘uluaki ‘i he fānau ‘a e Tamai Hēvaní ke nofo ʻi he māmaní. Naʻá na nofo ʻi he Ngoue ko ʻĪtení.

Naʻe tuku ʻe he ʻOtuá ke na kai ʻa e fua ʻo e ʻakau kotoa pē tuku kehe ha [fuʻu ʻakau ʻe] taha. Kapau te na kai mei he ‘akau ʻo e ‘ilo ʻo e leleí mo e koví, kuo pau ke na mavahe mei he ngoué pea ‘e iku pē ʻo na mate. Ka naʻe lohiakiʻi kinaua ʻe Sētane. Naʻá ne talaange kapau te na kai ʻa e fuá, te na ʻilo ʻa e leleí mei he koví ka he ʻikai ke na mate.

Ko e toli ʻe ʻIvi ʻa e fua mei he ʻakau ʻo e ʻilo ʻo e leleí mo e koví

Na‘e fili ʻa ‘Ivi ke ne kai ʻa e fuá.

Ko hono ʻoange ʻe he nima ʻo ʻIví ʻa e fuá ki he nima ʻo ʻĀtamá

Naʻá ne ʻoange leva ha konga ʻo e fuá kia ʻĀtama. Na‘á ne fili foki ke ne kai ia.

Ko e toitoi ʻa ʻĀtama mo ʻIvi ʻi he vaó ʻi he taimi naʻe hā mai ai ʻa e Tamai Hēvaní mo Sīsū Kalaisí

Naʻe ʻaʻahi ʻa e ʻOtuá mo Sīsū Kalaisi kiate kinaua, ka naʻe ilifia ʻa ʻĀtama mo ʻIvi peá na toi. Naʻe fehuʻi ange ʻe he ʻOtuá pe kuó na kai ha fua mei he fuʻu ʻakaú.

Ko ʻĀtama mo ʻIvi ʻokú na tui ha kofu kiliʻi manu pea mavahe mei he Ngoue ko ʻĪtení

Naʻe talaange ʻe ʻĀtama mo ʻIvi naʻá na kai ʻa e fuá. Naʻe pau leva ke na mavahe mei he Ngoue ko ʻĪtení. Ka naʻe ʻi ai ha palani ʻa e ʻOtuá maʻanaua. Naʻá na ʻiloʻi ʻi he taimí ni ʻa e tonú mei he halá pea ʻe lava ke na maʻu ha fānau.

Na‘e palōmesi ‘a ʻĀtama mo ‘Ivi ke talangofua ki he ngaahi fekau ʻa e ʻOtuá. Naʻá na ako lahi ange fekauʻaki mo e ʻAlo ʻo e ʻOtuá, ʻa Sīsū Kalaisi. Na‘á na fakatou ongoʻi fiefia koe‘uhí he te Ne tokoniʻi hona fāmilí ke foki ki he ʻOtuá.