Ubatizo ni Zawadi ya Shangwe

Wakati mmoja nilizungumza na mvulana ambaye alikuwa na wasiwasi kuhusu kubatizwa. Alikuwa na wasiwasi kwamba angewajibika kwa dhambi zake zote.

Nilimwambia kwamba ubatizo ni zawadi ya shangwe, na haihitaji kuogopa. Mara unapobatizwa, Baba wa Mbinguni anaweza kukusaidia zaidi! Rais Nelson alifundisha kwamba wakati unapobatizwa na kufanya agano na Mungu, Yeye kamwe hataacha kukusaidia wewe.* Baba wa Mbinguni anakualika kupokea kipawa cha Roho Mtakatifu ili akuongoze wakati unapothibitishwa. Na unapofanya uchaguzi usio sahihi, unaweza kutubu na kusamehewa kwa sababu Mwana wa Baba wa Mbinguni, Yesu Kristo, tayari alilipa gharama ya dhambi zako.

Ni baraka iliyoje kwamba Baba wa Mbinguni anakualika katika umri wa miaka minane kufanya agano na Yeye ili Yeye aweze hata kukubariki zaidi! Shangwe nyingi zinakungoja unapochukua hatua hii kumfuata Yesu Kristo.

Vielelezo na Bryan Beach