3 Regalo na Dapat Ibigay Ngayong Pasko

Ang Pasko ay naghahatid ng espesyal na kagalakan at pagkamangha. Walang pangyayari sa kasaysayan ng mundo ang nagkaroon ng mas malaking epekto kaysa sa kapanganakan at misyon ni Jesucristo. Ipinagdiriwang natin ang Kanyang pagsilang sa maraming iba’t ibang paraan sa buong mundo. May isang tradisyon ng Pasko ang tila ginagawa ng lahat.—ang pagbibigay ng mga regalo.

Gusto kong magmungkahi ng tatlong regalo na maibibigay ng bawat isa sa atin sa Kapaskuhang ito at sa buong buhay natin. Inaanyayahan kita na:

1. Ibahagi ang iyong patotoo. Kapag ibinahagi mo ang mahalagang regalong ito, lalakas ang sarili mong patotoo.

2. Patawarin ang isang taong nakasakit sa iyo. Sa pagbibigay ng regalong ito, ikaw rin ay makakaramdam ng kapayapaan at pagpapagaling.

3. Tulungan ang iba na madama ang pagmamahal ng Diyos sa pamamagitan mo. Kapag nakita mo ang iba tulad ng pagtingin sa kanila ng Diyos, lalago ang pagmamahal mo sa kanila. Madarama mo rin ang pagmamahal ng Diyos sa iyong buhay.

Hindi mo makikita ang ganitong uri ng mga kaloob sa alinmang tindahan. Ang mga ito ay mga kaloob na walang katumbas ang halaga. Maghahatid ang mga ito ng walang-hanggan at tunay na kagalakan kapwa sa tatanggap at sa nagbigay.

Mga larawang-guhit ni Corey Egbert