15100 և ավելի

Երբ ես ութ տարեկան դարձա, վերջապես բավականաչափ մեծ էի՝ իմ սեփական FamilySearch հաշիվը ունենալու համար։ Սկզբում ես լարվում էի, բայց ծնողներս, քույրերս ու եղբայրներս սովորեցրին ինձ՝ ինչպես ինդեքսավորեմ և ստեղծեմ իմ տոհմածառը, որպեսզի կարողանամ օգնել իմ նախնիներին։ Դրանից հետո ես այլևս չէի լարվում։ Ես զգում էի, որ ինձ աջակցում են, և ես պատրաստ եմ։

Ապա ես ցանկություն զգացի դառնալ ընտանեկան պատմության վերանայող՝ ինչպես իմ ծնողները, քույրերն ու եղբայրները։ Ես դա ընտրեցի՝ որպես Երեխաների և երիտասարդների ծրագրի իմ նպատակներից մեկը։ Այս նպատակին հասնելու համար ես ստիպված էի ինդեքսավորել 1000 գրանցում։

Երբեմն ինձ ճնշված էի զգում։ Բայց ծնողներս հիշեցրին, որ այդ ամենը մեկ օրում չեմ անելու։ Դրա փոխարեն՝ ես պետք է կենտրոնանամ օրական ընդամենը երեք գրանցում կատարելու վրա, և մինչև մեկ տարին լրանալը ես կհասնեմ իմ նպատակին։ Նրանք ասացին, որ եթե ես դժվարանամ պատկերները հասկանալ, կօգնեն ինձ։

Ես աղոթեցի Երկնային Հորը, որպեսզի Նա օգնի ինձ հասնել իմ նպատակին։ Աղոթքից հետո ես ինձ շատ ավելի լավ զգացի։

Ես չհանձնվեցի և շարունակեցի ամեն օր ինդեքսավորել։ Մեկ տարի անց, նախքան ինը տարեկան դառնալս, ես արդեն ինդեքսավորել էի ավելի քան 1000 գրանցում և ստացել էի վերանայողի կարգավիճակ։ Ես շատ ոգևորված էի։

Հիմա ես միշտ ծնողներիս հետ գնում եմ Տրուխիլյոյի (Պերու) տաճարը։ Ես օգնում եմ տպել արարողությունների քարտերը, կտրել դրանք և տալ ընտանիքի յուրաքանչյուր անդամի, որպեսզի նրանք կարողանան կատարել արարողությունները, մինչ ես սպասում եմ տաճարի այգիներում։ Շուտով կկարողանամ ներս մտնել մկրտություններ անելու համար։

Ես հիմա 10 տարեկան եմ և արդեն ունեմ 15100 ինդեքսավորված գրանցում։ Ես շատ ուրախ եմ և ոգևորված՝ շարունակելու հասնել իմ նպատակներին, որպեսզի ավելի նմանվեմ Հիսուս Քրիստոսին։

Նկարները՝ Փարքեր Նիլսենի