Ի՞նչ է պատահում, երբ մարգարեն մահանում է

Տերը մարգարեներ է կանչում՝ ղեկավարելու Իր Եկեղեցին, և Նա ծրագիր ունի այն դեպքի համար, երբ նրանցից մեկը մահանում է։ Նա միշտ առաջնորդում և ուղղորդում է Իր Եկեղեցին։

Երբ Եկեղեցու նախագահը մահանում է, Տասներկու Առաքյալների Քվորումն է ղեկավարում Եկեղեցին։ Այս քվորումը այժմ ներառում է այն երկու առաքյալներին, որոնք խորհրդականներ էին Առաջին Նախագահությունում։

Առաքյալներն աղոթում են և որոշում, թե երբ կազմավորել նոր Առաջին Նախագահություն։

Տերը կանչում է ամենաերկար ծառայած առաքյալին՝ դառնալու հաջորդ մարգարեն և Եկեղեցու նախագահը։

Նոր մարգարեի միջոցով Տերը կանչում է երկու առաքյալների՝ ծառայելու որպես խորհրդականներ նորակազմ Առաջին Նախագահությունում։

Մի նոր առաքյալ կկանչվի՝ ծառայելու Տասներկու Առաքյալների Քվորումում։

Գերագույն համաժողովի ժամանակ մենք բարձրացնում ենք մեր ձեռքերը՝ սատարելու նորակազմ Առաջին Նախագահությանը և Տասներկու Առաքյալների Քվորումին։ Սատարել նշանակում է, որ մենք համաձայն ենք սիրել և աջակցել նրանց և հետևել նրանց առաջնորդությանը՝ որպես Տիրոջ ծառաներ։

Երբ Եկեղեցու նոր նախագահ կամ առաքյալ է կանչվում, դուք կարող եք աղոթել՝ իմանալու համար, որ նրանք կանչվել են Աստծո կողմից։ Եվ դուք կարող եք սատարել և աջակցել նրանց՝ լսելով նրանց խոսքերը և հետևելով դրանց։