Të Ecësh në Gjurmët e Tij

Nga Gejb M., 9 vjeç, Kaliforni, SHBA

Ilustrim i një burri të moshuar duke ecur në dëborë ndërkohë që një djalë dhe një vajzë ecin në gjurmët që ai ka lënë pas

Një ditë familja ime shkoi me gjyshen dhe gjyshin që të rrëshqiste me sajë. Ecëm drejt një vendi të hapur që ishte i mbuluar me një metër dëborë të saporënë. Ishte vërtet e vështirë të ecje mbi të. Motra ime e kishte të vështirë që të ecte në dëborë, prandaj gjyshi tha: “Ec vetëm në gjurmët e mia”.

Motra ime dhe unë filluam të ecnim në gjurmët e tij. Pas ca kohe desha të provoja që të ecja më vete për pak. Kur eca vetëm në dëborë, ishte shumë herë më e vështirë.

Ecja në hapat e gjyshit qe më e lehtë, sepse ai tashmë e kishte bërë pjesën e vështirë të ecjes në dëborë. Kam një dëshmi se Jezu Krishti tashmë e ka bërë pjesën më të vështirë. Nëse ecën në gjurmët e Jezusit, edhe jeta jote do të jetë më e lehtë.