Alamin ang Tungkol sa mga Laminang Ginto!

~AD 421

Tinatakan at itinago ng propeta sa Aklat ni Mormon na si Moroni ang mga laminang ginto. Ang mga lamina ay nagtuturo ng tungkol kay Jesucristo. Nakasaad din sa mga ito ang kasaysayan ng mga tao ni Moroni.

1823

Bilang isang anghel, dinalaw ni Moroni si Joseph Smith. Sinabi sa kanya ni Moroni na nakabaon ang mga laminang ginto sa kalapit na Burol Cumorah.

1827

Matapos maghanda si Joseph sa loob ng apat na taon, nagtiwala ang Panginoon na ipauwi sa kanya ang mga lamina.

1828

Isinalin ni Joseph ang mga lamina sa pamamagitan ng pakikinig na mabuti sa Espiritu Santo. Gumamit din siya ng mga espesyal na kasangkapan mula sa Diyos. Gumamit siya ng isang bato na tinatawag na bato ng tagakita at ng mga kasangkapang tinatawag na mga interpreter o ang Urim at Tummim na nakabaon kasama ng mga lamina.

1829

Tinulungan ng Ama sa Langit si Joseph na maunawaan ang nakasaad sa mga lamina. Tumulong si Oliver Cowdery na isulat ang isinalin ni Joseph.

Hindi bababa sa labindalawang tao ang nakakita sa mga laminang ginto. Ang isa sa kanila ay si Mary Whitmer. Mababasa mo sa harapang pahina ng Aklat ni Mormon ang patotoo ng iba pang mga saksi. Wala ni isa sa mga taong ito ang nagkaila kailanman sa kanilang naranasan.

1830

Ang unang kopya ng pagsasalin ng Aklat ni Mormon sa Ingles ay inilimbag sa Palmyra, New York, USA.

Sa Kasalukuyang Panahon

Ang Aklat ni Mormon ngayon ay binabasa sa buong mundo! Isinalin ito sa 115 mga wika. Ibinabahagi ng mga missionary ang Aklat ni Mormon sa lahat hangga’t kaya nila.