មកស្គាល់ផ្ទាំងចំណារមាស !

ធ្វើតាមតារាងពេលវេលាដើម្បីមើលឃើញពីរបៀបដែលយើងបានទទួលព្រះគម្ពីរមរមន ។

~ គ.ស ៤២១
ព្យាការីនៃព្រះគម្ពីរមរមនគឺ ព្យាការីមរ៉ូណៃ បានបិទត្រាផ្ទាំងចំណារមាស ។ ផ្ទាំងចំណារបានបង្រៀនអំពីព្រះយេស៊ូវគ្រីស្ទ ។ ផ្ទាំងចំណារក៏បានប្រាប់អំពីប្រវត្តិសាស្រ្តរបស់ប្រជាជនមរ៉ូណៃផងដែរ ។
ឆ្នាំ១៨២៣
ក្នុងនាមជាទេវតា មរ៉ូណៃបានយាងមកជួបយ៉ូសែប ស្ម៊ីធ ។ មរ៉ូណៃបានប្រាប់គាត់ថាផ្ទាំងចំណារមាសត្រូវបានកប់នៅជិតកូនភ្នំគូម៉ូរ៉ា ។
ឆ្នាំ១៨២៧
បន្ទាប់ពីយ៉ូសែបបានរៀបចំខ្លួនអស់រយៈពេលបួនឆ្នាំ ព្រះអម្ចាស់បានជឿទុកចិត្តលោកឲ្យទៅយកផ្ទាំងចំណារមាស ។
ឆ្នាំ១៨២៣
យ៉ូសែបបានបកប្រែផ្ទាំងចំណារដោយស្តាប់ព្រះវិញ្ញាណបរិសុទ្ធយ៉ាងយកចិត្តទុកដាក់ ។ លោកក៏បានប្រើឧបករណ៍ពិសេសពីព្រះផងដែរ ។ លោកបានប្រើថ្មមួយដែលគេហៅថា ត្បូងមើលឆុត និងឧបករណ៍ដែលហៅថាអ្នកបកប្រែ ឬយូរីម និងធូមីម ដែលបានកប់ជាមួយផ្ទាំងចំណារនោះ ។
ឆ្នាំ១៨២៩
ព្រះវរបិតាសួគ៌បានជួយយ៉ូសែប យល់ពីអ្វីដែលផ្ទាំងចំណារនោះបាននិយាយ ។ អូលីវើរ ខៅឌើរី បានជួយយ៉ូសែប សរសេរអ្វីដែលយ៉ូសែបបានបកប្រែ ។
មានមនុស្សយ៉ាងហោចណាស់ដប់ពីរនាក់បានឃើញផ្ទាំងចំណារមាស ។ ម្នាក់ក្នុងចំណោមពួកគេគឺ ម៉ារី វីតមើរ ។ ប្អូនអាចអានទីបន្ទាល់នៃពួកសាក្សីផ្សេងទៀតនៅបុព្វកថានៃព្រះគម្ពីរមរមន ។ គ្មានមនុស្សណាម្នាក់ក្នុងចំណោមមនុស្សទាំងនេះធ្លាប់បានបដិសេធបទពិសោធន៍របស់ពួកគេទេ ។
ឆ្នាំ១៨៣០
ច្បាប់ចម្លងដែលបានបកប្រែជាលើកដំបូងនៃព្រះគម្ពីរមរមនជាភាសាអង់គ្លេសត្រូវបានបោះពុម្ពនៅទីក្រុង ប៉ាលម៉ៃរ៉ា រដ្ឋ នូវ យ៉ោក ស.រ.អា. ។
សព្វថ្ងៃនេះ
បច្ចុប្បន្ននេះមនុស្សទូទាំងពិភពលោកបានអានព្រះគម្ពីរមរមន ! វាត្រូវបានបកប្រែទៅជា ១១៥ ភាសា ។ ពួកអ្នកផ្សព្វផ្សាយសាសនាបានចែកចាយព្រះគម្ពីរមរមនជាមួយមនុស្សគ្រប់គ្នាដែលពួកគេអាចធ្វើបាន ។

សូមសួរព្រះវរបិតាសួគ៌

ពេលខ្លះយើងអាចងឿងឆ្ងល់ថាតើអ្វីដែលយើងរៀននៅក្នុងព្រះគម្ពីរមរមនជាការពិតឬទេ ។ ប្អូនអាចស្វែងយល់ដោយខ្លួនឯង ! ប្អូនអាចទូលសួរទ្រង់នៅក្នុងការអធិស្ឋាន ។ ព្រះវិញ្ញាណបរិសុទ្ធអាចជួយប្អូនចងចាំរឿងដ៏អស្ចារ្យដែលព្រះអម្ចាស់បានធ្វើ និងដឹងពីអ្វីដែលជាការពិត ( សូមមើល មរ៉ូណៃ ១០:៤–៥ ) ។

តារាងពេលវេលាជាមួយនឹងរូបភាពរបស់ យ៉ូសែប ស្ម៊ីធ និងផ្ទាំងចំណារមាស