« សួស្ដីមកពីប្រទេសម៉ាដាហ្គាស្ការ » ទស្សនាវដ្តី ប្រិយមិត្ត ខែមីនា ឆ្នាំ២០២៤ ទំព័រ ៨-៩ ។
សួស្ដីមកពី ប្រទេសម៉ាដាហ្គាស្ការ !
ប្រទេសម៉ាដាហ្គាស្ការ គឺជាប្រទេសមួយដែលស្ថិតនៅឆ្នេរសមុទ្រភាគខាងកើតនៃអាហ្វ្រិកខាងត្បូង ។ មានប្រជាជនប្រមាណជា ៣០ លាននាក់រស់នៅទីនោះ ។ ភាសាផ្លូវការរបស់ពួកគេគឺ ម៉ាឡាហ្គាស៊ី និងបារាំង ។
ហ៊ុមព័ទ្ធដោយទឹក
ប្រទេសម៉ាដាហ្គាស្ការគឺជាកោះធំជាងគេទីបួននៅលើពិភពលោក ។
ផ្ទាំងថ្ម
ឧទ្យានជាតិ ស៊ីងជី ដឺ បេម៉ាហារ៉ា មានព្រៃថ្មជាប្រភេទថ្មកំបោរ ។ ផ្ទាំងថ្មខ្លះមានកម្ពស់ ៣២៨ ហ្វីត ( ១០០ ម៉ែត្រ ) !
ការផលិតវ៉ានីឡា
ប្រទេសម៉ាដាហ្គាស្ការដាំវ៉ានីឡាដែលត្រូវបានលក់ជុំវិញពិភពលោក ។ ប្រទេសនេះបានផលិតវ៉ានីឡាប្រហែល ៣,៣០០ តោន ( ៣,០០០ ម៉ែត្រតោន )ក្នុងមួយឆ្នាំ !
ដើមឈើ Baobab ( បេអូបា )
Baobab ( បេអូបា ) គឺជាដើមឈើជាតិរបស់ប្រទេសម៉ាដាហ្គាស្ការ ហើយអាចរស់បានជាង ១,០០០ ឆ្នាំ ។ ដើមឈើ baobab ( បេអូបា ) ផ្តល់ផលផ្លែដល់មនុស្សបរិភោគ សំបកវាសម្រាប់ធ្វើខ្សែពួរ និងជាទីជម្រកពីពន្លឺព្រះអាទិត្យ ។
សត្វពាហនៈពិសេស
មានសត្វ lemurs [ លីមើស៍ ] ជាច្រើនប្រភេទ ។ ពួកវាទាំងអស់មកពីប្រទេសម៉ាដាហ្គាស្ការ ។
សត្វមួយប្រភេទទៀតដែលមកពីប្រទេសនេះគឺ zebu [ គោព្រៃ ] ជាប្រភេទគោដែលមនុស្សប្រើសម្រាប់ធ្វើកសិកម្ម ផលិតទឹកដោះគោ និងជាយានជំនិះ ។