Ариун сүмийн анхны аялалд чинь зориулсан зөвлөгөө

Хүлээн авах хэсэгт ариун сүмийн зөвшөөрлийн бичгээ харуул. Дараа нь баптисмын өрөө рүү очно. Ариун сүмийн ажилтан цагаан дотуур хувцас, оймс, баптисмын ёслолын хувцас өгнө.

Хувцас солих өрөөнд ороод өгсөн хувцсыг сольж өмсөнө. Хувцасны хоосон шүүгээнд эд зүйлсээ хийнэ. Дараа нь шүүгээгээ түгжиж, түлхүүрийг хувцсандаа зүүнэ. Урт үстэй бол ардаа бооно. Хэвлэсэн гэр бүлийн нэрсийг өөртөө авч явна.

Чи баптисм хүртэх ээлжээ хүлээх зуураа судраас уншиж, залбирч эсвэл тунгаан бодож болно. Мөн баптисм хүртэх хүнийхээ тухай бодож болно.

Ээлж чинь болоход ширээний ард сууж байгаа хүнд гэр бүлийнхээ нэрсийг өгнө. Хэрэв чамд нэр байхгүй бол тэд оронд нь ариун сүмийн нэрсийг ашиглана. Баптисмын усан сан руу болгоомжтой орно. Санваар атгагч чамд хүн бүрийг төлөөлүүлэн баптисм хүртээх болно. Тэр чамайг усанд доош умбуулах үед өвдгөө нугалж, хамраа чимхэхээ мартуузай.

Чамайг баптисм хүртэж дууссаны дараа хэн нэгэн чамд алчуур өгнө. Хувцас солих өрөөнд буцаж очоод, тусдаа усанд орж, хуурай хувцсаа сольж өмсөн, үсээ янзалж болно. Нойтон хувцсаа сагсанд хийж, түлхүүрээ шүүгээнд зүүж үлдээгээрэй.

Төгсгөлд нь хэн нэгэн чамайг баптисм хүртсэн хүмүүсийг төлөөлүүлэн гишүүнээр батлуулах өрөө рүү чиглүүлнэ.

Зарим ариун сүмд эдгээрийг арай өөрөөр хийж магадгүй. Гэхдээ ямар ч байсан алхам тутамд чинь туслах хүмүүс байх болно. Ариун сүм бол Их Эзэний өргөө бөгөөд Тэр чамайг тэнд очиход баяртай байдаг гэдгийг санаарай!