Ngaahi Fakamatala ʻo e Konifelenisí

Ngaahi Lofa mo e Ngaahi Fuakavá

Naʻe lea ʻa Palesiteni ʻOakesi fekauʻaki mo ha kiʻi tamasiʻi mo ʻene tamaí ʻokú na fakapuna lofa. Naʻe kole ange ʻe he kiʻi tamasiʻí pe te na lava ʻo kosiʻi ʻa e afó ke māʻolunga ange e puna ʻa e lofá. Naʻe fakamatalaʻi ange ʻe he tangataʻeikí ʻe tō ʻa e lofá ʻi hono kosiʻi ʻa e afó. ʻOku hangē ʻa e afó ko e ngaahi fuakava ʻokú ne fakafehokotaki kitautolu ki he Tamai Hēvaní mo Sīsū Kalaisí. ʻOku tokoni hono tauhi ʻetau ngaahi fuakavá ke tau ofi ange ai kiate kinautolu.

ʻOku akoʻi au ʻe he meʻá ni:

Ko e Matapā Sioʻata Fakalanulanú

Naʻe papitaiso ʻa ʻEletā ʻUkitofa ʻi he taʻu ʻe 75 kuohilí! Naʻe kamata ʻene fakamoʻoní ʻi heʻene kei tamasiʻí ʻi Siamane. ʻOkú ne kei manatuʻi pē ʻa e ngaahi ongo toputapu naʻá ne maʻu ʻi haʻane sio ki ha matapā sioʻata ʻo Sīsū Kalaisi ʻi honau ʻapisiasí. Naʻe fakamoʻoniʻi ʻe he Laumālié ki hono ʻatamaí mo e lotó ko Sīsū Kalaisi ʻa e Fakamoʻui ʻo e māmaní.

ʻOku akoʻi au ʻe he meʻá ni:

Tokanga Taha kia Sīsū

Naʻe fakamatala ʻa ʻEletā ʻEkipō fekauʻaki mo e timi soka tangata ʻa Naisīlia ki he Keimi ʻOlimipiki ʻo e 1996. Naʻe ʻikai ke nau maʻu ʻa e paʻanga lahi tahá pe ko e ako lelei tahá. Ka naʻa nau tokanga taha ki heʻenau taumuʻá, siʻaki ʻa e ngaahi meʻa kehe kotoa pē naʻá ne tohoakiʻi ʻenau tokangá, pea nau ikuna ai ʻa e koulá! ʻI he taimi ʻoku tau siʻaki ai e ngaahi fakahohaʻa ʻo e māmaní mo tokanga taha kia Sīsū Kalaisí, te tau toe lavameʻa foki.

ʻOku akoʻi au ʻe he meʻá ni:

ʻEke ha Ngaahi Fehuʻi:

Naʻe pehē ʻe Sisitā Palauningi naʻe pehē ʻe he kau saienisí ko Pulutó ko e ngataʻanga ia ʻo ʻetau sisitemi solá, kae ʻoua kuo aʻu ki he 1992. Ka naʻe hokohoko atu e ako mo fai ʻe he kau saienisí ha ngaahi fehuʻi. ʻOku tau ʻilo ʻi he taimí ni ʻoku lahi fau ʻa e meʻa ke ʻilo ʻo mahulu atu ia mei Puluto! ʻI he taimi ʻoku ʻi ai haʻatau ngaahi fehuʻí, te tau lava ʻo tafoki ki he Tamai Hēvaní. ʻE lava ke tokoniʻi kitautolu ʻe he ngaahi fehuʻi fakamātoato ʻo e ongoongoleleí ke tau ako mo tupulaki.

ʻOku akoʻi au ʻe he meʻá ni: