ʻAʻahi ki he Temipalé

Te tau lava ʻo ako ʻi loto ʻi he temipalé fekauʻaki mo e palani ʻo e fakamoʻuí mo fakahoko ha ngaahi fuakava mo e Tamai Hēvaní. ʻOku lahi ha ngaahi loki fakaʻofoʻofa te tau lava ʻo ongoʻi ai ʻa e melinó mei he Laumālie Māʻoniʻoní.

Ko e loki silá ʻa e feituʻu ʻoku silaʻi fakataha ai ʻa e ngaahi hoa malí mo e ngaahi fāmilí ki he nofo taimí pea mo hono kotoa ʻo e nofo taʻengatá.

Ko e loki ʻo e taʻahine malí ʻa e feituʻu ʻoku teuteu ai ʻa e kakai fefiné kimuʻa pea toki fai ʻa e silá.

Ko e loki fakahinohinó ʻa e feituʻu ʻokú ke ako ai fekauʻaki mo e palani ʻo e fakamoʻuí mo fakahoko ha ngaahi fuakava toputapu mo e Tamai Hēvaní.

ʻOku tokoniʻi kitautolu ʻe he loki silesitialé ke tau fakakaukau pe ʻe fēfē kapau te tau toe nofo fakataha mo e Tamai Hēvaní. Ko ha feituʻu ia ke lotu, fakalaulauloto, mo lau ai ʻa e ngaahi folofolá.

Ko e faiʻanga papitaisó ko e feituʻu ia ʻe lava ke papitaiso ai koe maʻá e kakai kuo pekiá. ʻOku fakafofongaʻi ʻe he fanga pulu ʻe toko hongofulu mā ua ʻi he faiʻanga papitaisó ʻa e faʻahinga ʻe hongofulu mā ua ʻo ʻIsilelí.