Ko e Muimui kia Sīsū ʻi Keniaá

ʻOku muimui ʻa Māteni ʻia Sīsū ʻaki ʻene ako fekauʻaki mo Ia. ʻI he taimi naʻe fetaulaki ai ʻa Māteni mo e ongo faifekaú, naʻá na ʻoange kiate ia ha tohitufa fekauʻaki mo Sīsū Kalaisi. ʻOku ʻikai sai ʻa e sio ʻa e Mātení, ko ia naʻe ʻikai ke ne lava ʻo lau ʻa e fanga kiʻi foʻi lea īkí. Ka naʻá ne kei fie ako lahi ange pē.

Naʻe ʻoange ʻe he ongo faifekaú kia Māteni ha tatau ʻo e Tohi ʻa Molomoná maʻá e kakai kuí. Ko e tohi maʻá e kakai kuí ko ha faʻahinga lea ia kuo tohi maʻá e kakai ʻoku kuí pe palopalema ʻenau sió.

Naʻe fili ʻa Māteni ke papitaiso mo ʻene tamaí. ʻOku pehē ʻe Māteni, “ʻOku ou houngaʻia ʻi he Siasi ʻo Sīsū Kalaisí. ʻOku ou ʻiloʻi ʻoku moʻoni ia.”

Taʻu Motuʻá: 10

Mei: Nailopi, Keniā

Lea Fakafonuá: Faka-Pilitānia, Faka-Suahili

Ngaahi Taumuʻá: 1) Fakamafola ʻa e maama ʻo Sīsū Kalaisí. 2) Ngāue fakafaifekau. 3) Hoko ko ha loea.

Ngaahi Meʻa ʻOku Manako Aí: Vaʻinga veimaú (chess), tokoni ki heʻene tamaí ʻi heʻene pisinisi ngaohi valá

Fāmilí: Māteni, Teti, taʻokete

Talanoa ʻo e Tohi ʻa Molomoná: ʻI he taimi naʻe fakamaʻamaʻa ai ʻa e ngaahi kavenga ʻa e kakai Nīfaí (vakai, Mōsaia 24)

ʻAho Mālōloó: Mashujaa Day (ʻAho ʻo e Kau Moʻungaʻi Tangatá)

Fuaʻiʻakaú: Pea

Lanú: Pulū

Hiva Palaimelí: “Fānau Au ʻa e ʻOtuá” (Tohi Hiva ʻa e Fānaú, 2–3)